ҚазҰМУ-нің белсенді студенттері шетел студенттерімен кездесті.
ҚазҰМУ-нің белсенді студенттері шетел студенттерімен кездесті.
2015 жылдың 19 қаңтар күні №7 оқу ғимаратының №2 аудиториясында сағат 16.00-де Түркия елінен қонаққа келген Kazakhstan Medical Students’ Association(KazMMSA) Түркиядағы серіктесі Turkish Medical Students’ International Committe (TurkMSIC) құрамындағы СтамбулМедицина университетінің студенттері және университетіміздің студенттік ұйымдарының басшыларымен, университеттің студенттік үкіметінің төрағасы, факультеттердің студенттік декандары, студенттік үкіметінің басшыларымен, Студенттердің әлеуметтік-мәдени құзыретін дамыту департаментінің қызметкерлерімендостық кездесу өткізілді.
Кездесудің басты мақсаты Стамбул Медицина университетінің студенттерімен достық келісімді ұлғайту, студенттердің шетел студенттерімен қарым-қатынасын нығайту, студенттік ұйымдарының жұмыс жүргізу тәжірибелерімен бөлісу болатын.
Кездесу барысында, Стамбул Медицина университетіндегі оқу үрдісі, жатақханада тұру, шетел студенттеріне арналған жеңілдіктер, білім алу барысы, оқыту тілі, тәжірибе алмасу бойынша ақпараттар алып, студенттердің қойған сұрақтары талқыланды.Стамбул Медицина университетіне оқуға түсу мүмкіндіктері мен артықшылықтары туралы да аңгіме жүргізілді. Үш тілде жүргізілген кездесудің университетіміздің студенттерінің шетел тілін жетік меңгергендігін көрсетті.
Сонымен қатар, студенттердің ғылыми-зерттеу жұмыстары бойынша әрбір бағытта зерттеу жүргізетіндігі туралы да айтып өтті. Студенттер көптеген ақпараттар алып, ризашылығын білдірді.
