Жаңа жыл
22 желтоқтан 2015 ж. ҚазҰМУ-дың № 7 жатақханасында шетел студенттері деканатының, сонымен қатар №7 жатақхананың студенттер кеңесі төрайымы Файзуллаева Эльвира мен жатақхана меңгерушісі Аманова Нургульдің ұйымдастыруымен «Жаңа жыл» мерекесі атап өтілді.
Жаңа жыл мерекесінің қызықты ұйымдастырылғаны соншалықты, кешке шетел студенттері, мейірбике ісі мамандығының студенттері, 4-5 курс жалпы медицина мамандығының студенттері, интерндер де қатысты. Жатақхананың безендірілуі де көңілімізден шықты.
Кеш қонақтары шетел студенттерінің деканы Н.Н.Иванченко, Дад Мухаммад, Г.М.Мухамедиева, жатақханалар арасындағы студенттер кеңесінің төрайымы Мелдебекова Лаура кешті құттықтау сөздерімен ашып, студенттерде жаңа жылдық тілектерін білдірді.
Кеште мың бұралған бишілердің, ән шашулардың, қызықты ойындардың куәгері болып қайттық. Жатақханалар арасындағы студенттер кеңесінің төрайымы Мелдебекова Лаура «Кештің өте жоғары деңгейде болғанын атап өтті». Кеш ұйымдастырушылары деканат тарапынан марапаттауға ие болды. Аяз Ата да студенттерден сыйлықтарын аяған жоқ.
Шетел студенттері деканатына, сонымен қатар №7 жатақхананың студенттер кеңесі төрайымы Файзуллаева Эльвираға, жатақхана меңгерушісі Аманова Нургульге, осындай кеш ұйымдастырғаны үшін үлкен алғыс білдіреміз. Сонымен қатар № 7 жатақхана атынан барлық ҚазҰМУ қызметкерлерін жаңа жыл мерекесімен құттықтаймыз.
Жаңа жыл – жаңа қадам, жаңа бағыт,
Болашақ сыйлайтындай жаңа бақыт.
Жақсылықтың белгісі, жаңа уақыт,
Келіп, міне жатырмыз қауқылдасып.
Бірге соғып бар әлемнің сағаттары,
Он екіні күтер, қалмай, тағаттары,
Ғасырдық он бесінші жылы келді,
Құстай ұшып, қырау шалған қанаттары.
Құтты болсын Жаңа жыл барша қауым,
Құтқа орансын кең байтақ дархан елім.
Қазақтың пейіліне тарту етсін
Табиғат ашық аспан, таң шапағын!
