Университеттің студенттік үкіметі төрағасының сайлауы
Университеттің студенттік үкіметі төрағасының сайлауы
2014 жылдың 14 қарашасында №7 оқу корпусының №4 дәрсханасында Студенттердің өзін-өзі басқару және шығармашылығын дамыту бөлімінің ұйымдастыруымен Университеттің студенттік үкіметі төрағасының сайлауы өтті.
Сайлау комиссиясының төрағасы болып тағайындалған «Жалпы медицина» факультетінің 5 курс студенті Ризаев Рафаэль сайлау барысын толығымен қадағалап, қатысушыларға сайлау тәртібін түсіндіріп, ережесін таныстырып шықты.
Университеттің студенттік үкіметі төрағасына үш үміткер ұсынылған еді.
«Фармацевтика» факультетінің 3 курс студенті Орынбек Айсұлу, «Қоғамдық денсаулық сақтау» факультетінің 4 курс студенті Мүслімхан Арнур, «Стоматология» факультетінің 4 курс студенті Бөріхан Ерболат.
Әр үміткер алдымен өздерінің бағдарламаларымен таныстырып, презантацияларын көрсетті. Содан соң әр үміткер студенттердің сұрақтарына жауап берді.
Сайлау барысының ашық әрі дұрыс өтуін әр факультеттен тәуелсіз сарапшылар, сайлау комиссиясының мүшелері қадағалап отырды.
Сайлау барысына дауыс беруге әр деканаттан ұсынылған 50 студенттен 168 студент тіркеуден өтіп, өздерінің дауыстарын берді.
Сайлау қорытындысы бойынша басым дауыспен Университеттің студенттік үкіметі төрағасы болып Бөріхан Ерболат тағайындалды.
Университеттің студенттік үкіметі төрағасын ұлықтау рәсімі «Университет күндері» аясында өткізіледі.
