«Қош келдің, әз Наурыз» атты ашық тәрбие сағаты
Биохимия кафедрасында 01.04.202ж. сағ.14.00-де «Қош келдің, әз Наурыз» атты ашық тәрбие сағаты өтті. Тәрбие сағатын биохимия кафедрасының лекторы Р.С. Досымбекова ЖМ20-013-1 және ЖМ20-002-2 топтарының студенттерімен өткізді. ЖМ20-013-1 және ЖМ20-002-2 топтардың студенттері «Қош келдің, әз Наурыз» атты ашық тәрбие сағатында қазақтың ұлттық салт-дәстүрімізді дәріптеу мақсатында «Сырға салу», «Қыз ұзату» көріністерін көрсетті, домбырамен қазақтың күйі орындалды. Ордабеков Данияр Наурызға арналған бата-тілек берді. Тастан Сәтбек пен Абдірахым Ақнұр жүргізуші болды. Ақан Ақтілек, Нұржанова Айдана, Ракимова Аружан «Қазақтың ұлттық тағамдары» тақырыбында презентация дайындап, жан-жақты түсіндірді. Мырзабек Диана әсем даусымен ән айтып, шашу шашылды, ал Меңдібекова Құралай мен Тельтаева Гүлмира Наурыз мерекесіне арнап би биледі. Ашық тәрбие сағатына көрермен ретінде биохимия кафедрасының ұжымы және Жалпы медицина топтарының студенттері қатысып, көңіл күйлерін көтерді.
