Болашақта қандай медициналық мамандықтар жоғалады?
Соңғы бірнеше ғасырдағы технологиялық прогресс әлдеқайда ілгерілегені ешкімге құпия емес. Технологияның дамуы өмірдің көптеген салаларына қатысты. Сонымен бірге, кейбір мамандықтар өткенде қалған. Кейбір салаларда адамдарды компьютерлер мен бағдарламалар алмастырады. Бұл тұрғыда медицина саласы да бар.
Нейрохирургия кафедрасының меңгерушісі және осы саланың үздік мамандардың бірі Ермек Дүйсембеков жақын арада кейбір медициналық мамандандырулар жоғалуы мүмкін екенін, сондай-ақ адамдарды компьютерлік жүйелер алмастыратынын айтты. Бүгінгі таңдағы медициналық жоғары оқу орындарының студенттері бұған дайын болуы қажет.
«Қазір медицинаға компьютерлік технологиялар, роботтандырылған жүйелер көбірек енгізілуде. Болашақта көптеген мамандықтар жоғалады. Терапевт, рентгенолог мамандықтары жоғалады, өйткені ол тұратын аппараттың барлық жұмысын компьютер жасайды. Бұған дайын болуымыз қажет, болашақ алыс емес», – деді нейрохирург.
Дегенмен, барлық дәрігерлерді роботтармен алмастыру мүмкін емес, деп есептейді Е.Дүйсембеков.
«Хирургты, қолдардың сезімталдығын алмастыру мүмкін емес. Роботтарда сезім болмайды, сондықтан адамды толығымен алмастыра алмайды», — деп өз ойымен бөлісті ҚазҰМУ нейрохирургия кафедрасының меңгерушісі.
