Ерекше операция: қайтыс болған қазақстандықтың қасаң қабағы екі науқасқа ауыстырылды
Санжар Асфендияров атындағы Қазақ ұлттық медицина университетінің Университеттік клиникасының дәрігерлері қайтыс болған ер адамның донорлық қабағын ауыстыру бойынша ерекше операция өткізді. Жаңа қасаң қабықтар екі науқасқа берілді.
Операция барысында офтальмолог дәрігерлер мен резиденттерге арналған қабақ ауыстыру бойынша мастер-класс өткізілді.
«Бұл ерекше жағдай – донордан екі қабақ алынды. Өкінішке орай, 2015 жылдан бері бізде донорлық материал алу болған жоқ, себебі халықтың ақпараттануы төмен, рұқсат берілмейді», – деп бөлісті ҚазҰМУ офтальмология кафедрасының меңгерушісі Марат Сүлейменов.
Алайда, бұл жолы донордың туыстары қолдау көрсетіп, донорлық мақсатта тек қабақтарды ғана емес, сонымен қатар жүрек, бауыр, бүйрек және өкпені де ауыстыруға рұқсат берген. Тиісті органдарды ауыстыру операциялары Қазақ ұлттық кардиология және ішкі аурулар ғылыми-зерттеу институтында, сондай-ақ А.Н. Сызғанов атындағы Ұлттық ғылыми хирургия орталығында өткізілді. Осылайша, қайтыс болған 55 жастағы ер адам бірнеше адамның өмірін құтқарып қалды.
Марат Сүлейменов атап өткендей, қазіргі уақытта қасаң қабақ трансплантациясы консервіленген мүшелерді пайдалану арқылы жүргізілуде. Ал, донорлық материал АҚШ-тан әкелінеді.
Қазіргі таңда «Қазақстан халқына» қорының қолдауымен осындай 243 операция жасалды. Мұндай трансплантацияға шамамен 1 000 науқас мұқтаж, олардың 25 пайызы – балалар.
