«Күзгі Бал-2015»
Хабарландыру!!!
Құрметті ҚазҰМУ оқытушылары, қызметкерлері және студенттер!
«Күзгі Бал-2015»
Университетімізде Жастар мәдени шығармашылық орталығында студенттермен көркемөнерпаздар үйірмелері кәсіби жетекшілердің басшылығымен жұмыс жасайды Атап айтқанда: «Дала сазы» ұлттық аспаптар ансамблі, студенттік «ҚазҰМУ театры», хореографиялық би тобы. Студенттермен бірге осы үйірмелерге қатысқысы келетін оқытушылар мен қызметкерлерді шақырамыз. Сонымен қатар ән айтып, көркемсөз, өлең оқып концерттік бағдарламаға қатысамыз деушілерге де жол ашық. Оқу орнымызда әлеуметтік-мәдени бағытта дәстүрлі мерекелік іс шаралар өткізу қалыптасқан. Соның бірі жылда, күз айында өткізілетін университет оқытушылары мен қызметкерлеріне арналған дәстүрлі «Күзгі Бал» мерекелік іс шарасы. Биылғы жыл университетіміздің 85 жылдығы және «Ұжым мәдениетін дамыту және дәстүрлерін дәріптеу» жылы болғандықтан ұжымдылықты дамыту бағытында көптеген іс-шаралар өткізу жоспарлануда. Осы бағытта бишілер клубы ұйымдастырылуда. Бишілер клубында классикалық би түрлерін үйрену (вальс, танго т.б) жүргізіледі. Би клубының жұмысы «Күзгі Бал» мерекесіне дайындалудан басталып, бұдан әрі де өз жұмысын жалғастырады. «Күзгі Бал» мерекесінде вальс билейтін оқытушылар мен қызметкерлерді көп кешіктірмей, би клубына щақырамыз. Вальс биіне өздеріңіз таңдаған жұппен бірге келіңіздер. Өздеріңізге белгілі, би әдемілікке, сымбаттылыққа баулиды. Әдемі вальс ырғағы, әдемі би қозғалысы Сіздің өміріңізге жаңаша көңіл күй сыйлап, шаршағанды басады. «Күзгі Бал» мерекесін бірге ұйымдастырып белсенділік танытайық.
Хореографпен алғашқы кездесу және дайындық жұмысы 28-ші қазан күні, «Concordia» театрында, сағат 18.00-де басталады. Қосымша жазылу №7 аудитория ғимараты, 109 кабинетте көркемдік жетекшіде жүргізіледі.
Келіңіздер! Біз Сіздерді қашанда асыға күтеміз!
Университет әкімшілігі. Жастар мәдени шығармашылық орталығы.
