Мұхтар Шахановтың шығармашылығына арналған әдеби-поэтикалық кеш
Мұхтар Шахановтың шығармашылығына
арналған әдеби-поэтикалық кеш
25-ақпан күні,Жалпы Медицина Факультеті Студенттік Үкіметінің ұйымдастыруымен, қоғам қайраткері, ақын, Қазақстанның халық жазушысы, «Түркі тілдес халықтары арасындағы ең үздік әлем ақыны» сыйлығының иегері, «Жалын» журналының бас редакторы, ұлт мақтанышы Мұхтар Шахановтың шығармашылығына арналған әдеби-поэтикалық кеш өтті.Кешіміздің басты қонағы-Мұхтар Шаханов ағамыздың өзі болды.
Әдеби-кештің шымылдығын,университетіміздің оқу-тәрбие жұмысы жөніндегі проректоры Төлебаев Қазбек Ағабылұлы ашып беріп, құрметті қонағымыздың келгеніне зор алғыс айтты.Келесі сөз кезегі, Мұхтар ағамыздың өзіне берілді.Мұхаң қазіргі шығармашылығы жайлы, әлемде, елімізде болып жатқан жаңалықтар жайлы өз ойың жеткізді.Кеш барысында,Мұхтар ағамызға студенттер өздерінің қызықтырған сұрақтарың қойып,болашақта кездесулердің көп болуын сұрады.Бүгінгі іс-шараның өтілуіне үлкен үлес қосқан, университет ректорының кеңесшісі, профессор Мұстафина Жанар Ғабиденқызы, қонағымызды университет тыныс-тіршілігімен,өмірімен таныстырды. Жанар Ғабиденқызы, Мұхтар ағамыздың келгеніне өте қуанышты болып, ол кісіге ең бастысы денсаулық және де мол творчествалық табыстар тіледі.Әдеби-кештің барысында,университеттің көркемсөз оқу шеберлері ақынның өлеңдерін оқып,халықтың жүрегінде мәңгі сақталған әндерің шырқады.Іс-шараның соңында,жалпы медицина факультетінің деканы Джумашева Рахима Тажибаевна университет әкімшілігі және студенттердің атынан естелік сыйлықтарын табыс етті.
Жалпы Медицина Факультеті Студенттік Үкіметі атынан,оқу-тәрбие жұмысы жөніндегі проректоры Төлебаев Қазбек Ағабылұлына, ректордың кеңесшісі,профессор Мұстафина Жанар Ғабиденқызына,жалпы медицина факультетінің деканы Джумашева Рахима Тажибаевнаға қолдау көрсеткендері үшін зор алғыстарың білдіреді.
Жалпы Медицина Факультеті
Студенттік Үкіметінің Ақпараттандыру бөлімі
