Мәншүк – мәңгі есім
Ұлы Отан соғысының әлемдік тарихта орны ерекше. Баршаны дүрліктірген соғыста небір жанқиярлық ерліктер жасалды. Отан үшін отқа кеудесін тосқан аға ұрпақтардың қатарында қазақ халқының батыр қыздары мен ұлдары да болды . Солардың қатарында есімі бір ғасырдан асып бүгінгі күнге жетіп, аңызға айналған, батыл ісі барша ұлтты таң қалдырып, ерліктің мәңгі алауын жаққан қазақтың қызы Мәншүк Маметова туралы білмеу мүмкін емес. Туған жерді қасиет тұтып, қанға боялған даласы, аңыраған анасы, жетім қалған балалар үшін шайқасты.
Совет Одағының батыры Мәншүк Маметованың туған күніне орай 2023 жылдың 23 қазан күні С.Ж.Асфендияров атындағы ҚазҰМУ-дегі С.Р. Қарынбаев атындағы қалыпты анатомия кафедасында «Мәншүк – мәңгі есім» атты еске алу кеші өтті. Университеттің проректорының қатысуымен болған бұл еске алу кеші Датхаев Убайдулла Махамбетовичтің сөзімен ашылды. Сонымен қатар тәрбие сағатында М. Маметованың құрметіне ән шырқалып, қысқаша өмірбаяны туралы көріністе қойылды. Бұл еске алу кешінің мақсаты Мәншүк Маметованың Ұлы Отан соғысындағы ерлік істерін ұрпаққа үлгі етіп, өнеге ету. Жасалған іс-шарамыздың соңы жалпы медицина мамандығының 1-курс студенттеріне алдағы білім жолына сәттілік тілеп, өз алғысын білдірген Жалпы медиицна-1 мектебінің деканы С.Х Измайлованың сөзімен аяқталды.
