Мәскеудегі GXP-фест 2025 халықаралық студенттік фестивалі
2025 жылғы 01 ақпан мен 18 сәуір аралығында Еуразиялық практика академиясы Ресей Өнеркәсіп министрлігі мен Еуразиялық экономикалық комиссияның қолдауымен «GxP-Фест 2025» V Халықаралық студенттік фестивалін өтті. Бір алаңға РФ мен ЕАЭО елдерінің бейінді жоғары оқу орындарының үздік студенттері мен оқытушылары, реттеушілер, фармацевтикалық компаниялар өкілдері, сондай-ақ кәсіптік білім беру саласындағы сарапшылар жиналды.
Іс-шараның негізгі міндеттері – фармацевтикалық салаға бейінді студенттердің назарын аудару, болашақ салалық мамандар ретінде перспективалы студенттерді анықтау, индустриялық мансапты құруға қызығушылықты қалыптастыру, сондай-ақ болашақ мамандарды даярлау процесіне инновациялық білім беру технологияларын, оның ішінде симуляциялық технологияларды енгізу арқылы өнеркәсіптік фармацияға баса назар аудара отырып, фармацевтикалық білім беруді жаңғыртуға жәрдемдесу.
Мерейтойлық жылы олимпиаданың негізгі бағыты бойынша фестивальдің конкурстық бағдарламасына Ресейдің, ЕАЭО-ның және достас елдердің 98 жоғары оқу орнынан 134 команда тіркелді. Іріктеу кезеңі 13 наурызда онлайн режимінде өтті. Жинаған балдарының қорытындысы бойынша 57 команда финалға шықты. Олардың барлығы 18 сәуірде Мәскеуде «Красный Октябрь» алаңында өткен қорытынды турға шақырылды. Сондай-ақ ағылшын тілді студенттер үшін жеке қатысу көзделген.
18.04.2025 жылғы «GxP-Фест 2025» соңғы күні Мәскеудегі «Красный Октябрь» алаңында көптеген іс-шаралар өтті: фармацевтикалық таңғы ас, «GxP-Квест» және «Болашақтың цифрлық фармасы» және «Фармацевтикадағы биотехнология» бағыттары бойынша үздік студенттік жобалардың тұсаукесері. Жетекші фармацевтикалық компаниялар студенттерге арналған шеберлік сыныптарын өткізді, сондай-ақ тағылымдама бағдарламаларымен және жұмысқа орналасу мүмкіндіктерімен таныстырды.
Фестивальдің ең жарқын оқиғаларының бірі реттеушілердің, фармацевтика саласының жетекші сарапшыларының бейінді студенттермен және жоғары оқу орындарының оқытушылар құрамымен ашық диалогы болды.
Олимпиаданың финалдық кезеңіне қатысушылар реттеуші органдардың өкілдеріне, салалық сарапшыларға және белгілі фармкомпаниялардың топ-менеджерлеріне сұрақтар қою мүмкіндігіне ие болды. Ашық диалог түйісу нүктелерін табуға, фармацевтикалық индустрияны дамытуға студенттердің назарын аударуға, компаниялар – өздерінің кадрлық стратегияларын түзетуге, ал ЖОО-лар – белсенді дамып келе жатқан саланың қазіргі заманғы қажеттіліктеріне сәйкес білім беру бағдарламаларын жетілдіруге мүмкіндік берді.
С.Д. Асфендияров атындағы Қазақ ұлттық медицина университетінің Фармация мектебінің өкілдері Мәскеуде өткен GxP-Fest Халықаралық білім беру фестиваліне белсенді қатысты.
С.Д.Асфендияров атындағы ҚазҰМУ олимпиадаға ұсынды:
- GxP бағыты бойынша олимпиадаға қатысқан екі студенттік команда (бір команданы инженерлік пәндер және тиісті практикалар кафедрасы, екіншісін – биотехнология және жалпы химиялық технология кафедрасы дайындаған)
- «Болашақтың цифрлық фармасы» байқауына команда.
«Болашақтың цифрлық фармасы» номинациясында Фармация мектебінің 1-курс магистранты Швец Сергей мен Леденев Станислав тамаша өнер көрсетті. Олар алыс және жақын шетелдердің жетекші ЖОО командаларын басып озып, І орынды иеленді.
Өткен жылы осындай фестивальде Швец Сергей де команда құрамында 1-орынды иеленді. Команданың тағы бір қатысушысы, Фармация мектебінің 3-курс студенті Станислав Леденев осы жылдың сәуір айында академик Шахмардан Есеновтың ғылыми-білім беру қорынан стипендия алды.
Станислав олимпиадаға Санкт-Петербургтен келді, онда ҚазҰМУ Фармация мектебінің студенттері академиялық ұтқырлық шеңберінде Санкт-Петербург мемлекеттік химия-фармацевтика университетінде оқиды.
Олимпиадаға дайындық пен жеңіске С.Д.Асфендияров атындағы ҚазҰМУ ғылыми-технологиялық паркінің фармация және фармакология орталығының басшысы, қауымдастырылған профессор, фармацевтика ғылымдарының кандидаты Ибрагимова Лилия Николаевна зор үлес қосты. Ол «Болашақтың цифрлық фармасы» номинациясында жеңімпаз команда дайындады.
Л.Н. Ибрагимова биыл 3 команданы жаттықтырды, олардың ішіндегі ең табысы GXP фестивалінің жеңімпазы атанды. Оның оқушысы С. Швец Мәскеудегі GXP фестивалінде команда құрамында екінші жыл жеңіске жетті. Лилия Николаевна мен жеңімпаз команданың тағы бір қатысушысы – Фармация мектебінің 3-курс студенті Леденев Станиславты академик Шахмардан Есеновтың ғылыми-білім беру қоры конкурстық негізде тағайындаған стипендияны тағайындау конкурсына дайындады.
Фестиваль қатысушылары ММУ химия факультетінде болды. Жаңа антибиотиктерді скринингтеу зертханаларына (химиялық, аналитикалық, микробиологиялық) танымдық және қызықты экскурсия болды. Олар сондай-ақ «Оңтайландырылған құрылымдық модификацияларды басым ретінде әзірлеу» тақырыбында ашық дәріс тыңдады. Лектор – Константин Валерьевич Балакин, м.ғ.д., Мәскеу физика-техникалық институтының (МФТИ), Ресей халықтар достығы университетінің (РУДН) профессоры, ХимРар ҒЗИ инновациялық дәрі-дәрмектерді әзірлеу бағытының жетекшісі, Медициналық химия бойынша РАН Ғылыми кеңесінің ғылыми хатшысы.
ХимРар ғылыми-зерттеу институты – «ХимРар» Жоғары Технологиялар Орталығының келісімшарттық зерттеу ұйымы, ол фармацевтикалық әзірлеу, клиникаға дейінгі зерттеулер және өндіріске инновациялық және қайта өндірілген дәрілік препараттарды енгізу бойынша қызметтерді ұсынады.
GxP-Fest-ке қатысу халықаралық ынтымақтастықты нығайтудағы, студенттердің, магистранттардың цифрлық құзыреттілігін дамытудағы және білім беру мен өндірістік процестерге заманауи фармацевтикалық технологияларды енгізудегі маңызды қадам болды.
Жеңіс ҚазҰМУ Фармация мектебінде білім алушылардың жоғары дайындық деңгейін, профессорлық-оқытушылық құрамның инновацияларға ұмтылысын және фармацевтика саласындағы білім берудің халықаралық стандарттарына сәйкестігін растайды.
Олимпиада жеңімпаздарын, қатысушыларды, ғылыми жетекшілерді, оқытушыларды тәлімгерлік, кәсіби қолдау және болашақ мамандардың дамуына қосқан үлесі үшін құттықтаймыз!
