Студенттердің ғылыми үйірмелер жәрмеңкесі
2016 жылдың 7 қазанында С. Асфендияров атындағы ҚазҰМУ Аренасында ғылыми іс-шараларды ұйымдастыру тобы мен студенттер ғылыми қоғамдастығы ұйымдастырған студенттердің ғылыми үйірмелер жәрмеңкесі өтті. Практикалық және теориялық бағытта жұмыс жасайтын медициналық үйірмелер бірінші және жоғары курс студенттеріне өз есіктерін ашты.
Жәрмеңкеге 40 кафедра қатысып, өз үйірмелерінің ғылыми жұмысы мен табыстары туралы ақпарат ұсынды. Студенттер өзіне қызықты үйірме таңдап, үйірмеге жазылды. Таныстыру рәсімінен кейін жәрмеңке қатысушылар назарына концерт пен ойын-сауық ойындар ұсынылды. Жәрмеңке студенттер ұйымдастырған флешмобтан басталды. Аренаға жиналған қатысушылар қызықты зияткерлік және музыкалық ойындарға қатысты. Ең белсенді қатысушылар жүлде мен сертификаттарға ие болды.
Жәрмеңке медицина саласындағы ұлы қайраткерлердің образын ғана емес, адамның органдары кейпіндегі анматорларлың арқасында студенттердің көңілін аударды.
Студенттік ғылыми үйірмелдерге барлығы 700-ге жуық студент жазылды.
