Университетте халықаралық стоматологтар күнін атап өтті
9-шы ақпан – халықаралық стоматологтар күні.
Өздерінің кәсіби мерекесіне орай, Стоматология факультетінің студенттік үкімет мүшелері «Даңқ Залында» салтанатты түрде іс шара ұйымдастырды. Іс-шара барысында 1 курс студенттері Денис Шваб және Жаксылык Руслан стоматология факультетінің барлық кафедара меңгерушілерінен сұхбат алып, арнайы дайындаған бейнероликтерін көрсетті.
Өз сөзінде интернатура кафедрасының профессоры Ибрагимова Роза Сафиулловна хирургиялық стоматология кафедрасының құрылу тарихы туралы баяндады. Стоматологтарды құттықтауға Ректор Кеңесшісі, профессор Мустафина Жанар Ғабиденовна, Студенттермен жұмыс жасау басқармасының мамандары қатысты. Шара барысында мұғалімдер студенттермен бірге стоматология туралы өлеңдер оқыды, сондай-ақ, викториналық ойындар ойнатылып, әндер айтылды.
