ҚазҰМУ-да 500-ге жуық резидент арнайы бейінді дәрігер куәлігін алды
Санжар Асфендияров атындағы Қазақ ұлттық медицина университетінде резидентураны бітірген түлектерге куәліктерді тапсыру рәсімі өтті. Дипломнан кейінгі білім беру факультетінде барлығы 1347 резидент білім алуда, ал арнайы бейінді дәрігер куәліктерін 493 түлек алды.
ҚазҰМУ резиденттеріне куәлік табыстау рәсіміне бітіруші түлектер, ата-аналар, университеттің профессорлық-оқытушылық құрамының өкілдері қатысты.
ҚазҰМУ ректоры Марат Шоранов өз сөзінде университеттің маңызды міндеті – қазақстандық медицина элитасын, республиканың денсаулық сақтау тірегін тәрбиелеу екенін атап өтті.
«Жұмыс берушілер С.Асфендияров атындағы ҚазҰМУ түлектері үшін бәсекелеседі. Өйткені, олар Қазақстандағы сұранысқа ие медицина түлектеріне ең жақсы жағдай жасауға дайын, біздің бітірушілердің жұмысқа орналасу деңгейі 100-ден 98%», – дейді университет ректоры.
Биылғы жылы университеттің 3500 мыңнан астам түлегі диплом алды. Санжар Асфендияров атындағы Қазақ ұлттық медицина университетінің қабырғасында қазақстандықтар ғана емес, әлемнің 31 елінен келген 3000-ға жуық шетелдіктер білім алады. Университет 2023 жылғы Хирш индексі бойынша Қазақстанның ұлттық рейтингінің үздік бестігінде орналасқан. 2019-2022 жылдары ҚазҰМУ қызметкерлері 689 мақала, оның ішінде Scopus журналына – 419, WoS журналына – 270 мақала жарияланды. Элиталық QS World University Ranking 2023 рейтінгісінде 2462 әлемдік университеттер арасында ҚазҰМУ 651-700 позициясын иеленді.
Бүгінде ҚазҰМУ-да 7 факультет, 70 кафедра, 4 университеттік клиника, 5 ғылыми-зерттеу институттары мен ғылыми орталықтар, Орал және Тараз қаласында 2 филиалы, Алматы қаласындағы қалалық және республикалық медициналық ұйымдарда 140 клиникалық базасы бар. Оқу орны 89 білім беру бағдарламасы, оның 8 бірлескен және қос дипломды 3 бағдарлама негізінде білім береді.
Ең ірі симуляциялық орталық, жаңа анатомиялық зал, сүйек мұражайы, стоматологиядағы практикалық дағдылар орталығы, қазақстандық және халықаралық рейтингтіндегі жетекші орындар, ең бастысы – Қазақстандағы ең үздік 15 мың студент С.Асфендияров атындағы ҚазҰМУ-да білім алады.
