ҚазҰМУ және Apollo MedSkills (Үндістан) стратегиялық академиялық әріптестікті талқылады
Бүгін С.Ж. Асфендияров атындағы Қазақ ұлттық медицина университетінде (ҚазҰМУ) университеттің бірінші проректоры Қайдарова Диляра Радиковна Үндістанның Хайдарабад қаласында орналасқан, денсаулық сақтау саласы мамандарын кәсіби даярлауға маманданған жетекші оқу орталығы Apollo MedSkills делегациясын қабылдады.
Apollo MedSkills – Үндістандағы ең ірі медициналық экожүйелердің бірі Apollo Hospitals Group құрамына кіретін және денсаулық сақтау саласына кадрлар даярлау бойынша ұлттық көшбасшы болып табылатын ұйым. Оқу орталығы халықаралық стандарттарға сай бағдарламаларды іске асырады, оның ішінде цифрлық технологияларды және симуляциялық оқытуды қолдану бар.
Казахстан, соның ішінде ҚазҰМУ, шетелде медициналық білім алуды қалаған үнді студенттері үшін ең танымал бағыттардың бірі болып табылады. Бүгінгі таңда университетте Үндістаннан келген 2000-нан астам студент білім алуда, бұл оқу бағдарламаларының сапасы мен сенімділігін көрсетеді.
Кездесу барысында Apollo MedSkills компаниясының бас директоры доктор Шриниваса Рао Пулиджала былай деп атап өтті: «Біздің мақсатымыз – үнді студенттеріне шетелде сапалы медициналық білім алуға мүмкіндік жасау. Біз ҚазҰМУ-мен ынтымақтастықта зор әлеуетті көреміз, өйткені ол Орталық Азиядағы медициналық білім берудің флагманы. Бірлескен бағдарламалар студенттерге заманауи әдістемелерді меңгеруге ғана емес, сонымен қатар Үндістанда лицензиялау емтихандарынан сәтті өтуге көмектеседі».
Талқыланған негізгі бағыттар:
- Шетелдік студенттерге арналған бірлескен білім беру бағдарламалары мен курстарын әзірлеу;
- Телемедицина, цифрлық симуляторлар және e-learning сияқты заманауи оқыту технологияларын енгізу.
Сонымен қатар, кездесуде медицина саласының басым бағыттары бойынша кадрларды даярлауға және ҚазҰМУ-дың халықаралық аясын кеңейтуге бағытталған бірлескен жобаларды әзірлеу мәселелеріне ерекше назар аударылды.
Келіссөздер қорытындысы бойынша тараптар жақын арада өзара түсіністік туралы меморандумға қол қоюға дайын екендіктерін білдірді, бұл Қазақстан мен Үндістан арасындағы академиялық ынтымақтастықтың берік платформасын құруға бастау болмақ.
