ҚР Денсаулық сақтау министрі Елжан Біртановтың Жеңіс күнімен және Отан қорғаушылар күнімен құттықтауы
Құрметті әріптестер!
Сіздерді ең тамаша және қасиетті, жалпыхалықтық мереке – Жеңіс күнімен шын жүректен құттықтаймын!
Біз бұл күні бейбіт өмір үшін қайсарлықпен күрескен құрбандарға тағзым етіп, ардагерлерге, сондай-ақ Жеңісті жақындатқан тыл еңбекшілеріне құрмет көрсетеміз.
Біз әкелеріміз бен аталарымыздың баға жетпес батырлығының арқасында бақытты өмір сүрудеміз.
Ұлы Жеңіс мерекесі қарсаңында Отан қорғаушылар күні де атап өтіледі. Тәуелсіз Қазақстан қорғаушылары ерлік пен қайсарлығын, отан сүйгіштігі мен Отан алдындағы адалдығын көрсете отырып, аға буынның тамаша дәстүрлерін одан әрі лайықты жалғастыруда.
Осы мерекелік және салтанатты күні Сіздерге зор денсаулық, ұзақ ғұмыр, табыс, ашық аспан тілеймін.
Жеңіс күні құтты болсын!
ҚР Денсаулық сақтау министрі Елжан Біртанов
