«Аллергология және иммунология: жетістіктер мен болашағы» атты IX Халықаралық конгресс
2025 жылдың 17-20 қыркүйегі аралығында Алматы қаласы, Тимирязев көшесі, 2д мекен-жайындағы HOLIDAY INN Almaty қонақүйінде Николай Дмитриевич Беклемишевтің 110 жылдығына арналған «Аллергология және иммунология: жетістіктер мен болашағы» атты IX Халықаралық конгресс өтеді.
Конгресс таяу және алыс шетелдердің жетекші мамандарын біріктіреді. Бағдарламаға ғалымдар мен тәжірибелі дәрігерлер – аллерголог-иммунологтар, пульмонологтар, терапевттер, фтизиатрлар, дерматовенерологтар, эпидемиологтар және инфекционисттер қатысады. Онда Қазақстан Республикасындағы медицинаның дамуына және пациенттерге көрсетілетін медициналық көмектің сапасын арттыруға ықпал ететін ғылым мен клиникалық тәжірибенің заманауи жетістіктерін көрсететін баяндамалар ұсынылады.
Конгресс аясында аллергология және иммунологияның өзекті мәселелері бойынша 40-тан астам ғылыми баяндамалар жоспарланған. Сонымен қатар «Дәрілік аллергия. Дәрілік жоғары сезімталдық», «Иммунограмманы талдау: алгоритмдер мен клиникалық мысалдар» және «Спирография. FeNo» тақырыптарында оқыту семинарлары ұйымдастырылады. Аллергология және иммунология саласындағы ең жаңа ғылыми әзірлемелер ұсынылатын Қазақстанның жас ғалымдары секциясына ерекше назар аударылады.
Қатысуға аллерголог-иммунолог, пульмонолог, дерматолог, ЛОР-дәрігер, ЖТД, педиатр, терапевт, офтальмолог, функционалдық диагностика дәрігері, хирург, реаниматолог, акушер-гинеколог, кардиолог, гастроэнтеролог, стоматолог және басқа да іргелес мамандықтардың, сондай-ақ денсаулық сақтау ұйымдастырушыларының мамандары шақырылады.
Конгресс бағдарламасы мен алдын ала тіркеу www.OAIIR.kz, www.medq.kz сайттарында қолжетімді болады.
