Алматы қалалық аурухана дәрігерлері қақпақ жұтып, тұншығып қалған жастағы баланы құтқарып қалды
Тыныс алу жолдарының бөгде затпен бітелуі – балаларда жиі кездесетін аурулардың бірі. Дәрігерлердің айтуынша, мұндай жағдайлардың күрделілігі диагностика жүргізу барысында. Көбіне әртүрлі заттар тыныс алу жолдарына түседі, оларды алғашқы тексеру кезінде табу оңай емес. Соның салдарынан тез арада ауыр зардаптар пайда болуы мүмкін. Алматы қалалық жедел жәрдем орталығының базасында Санкт-Петербургтен келген балалардың тыныс алу жолдары мен көмей жарақаттарын емдеудегі белгілі маман Эльзамин Салаховтың шеберлік сағатын өткізілді. Сарапшы маманның бұл салада 20 жылдан астам тәжірибесі мол. Бөгде заттарды уақытында қалай анықтау керегін, тыныс алу жолдарының ауыр зақымдануы бар науқастарды емдеу және қандай жағдайда хирургиялық емдеу қажет екенін біледі. Бірегей шеберлік сағатын С.Ж.Асфендияров атындағы Қазақ ұлттық медицина университеті Алматы қаласының қоғамдық денсаулық сақтау басқармасымен бірлесіп ұйымдастырды.
Мамандардың айтуынша, Алматыда осындай жарақатпен түсетін науқастар көбейіп келеді. Ал трахея мен тыныс алу жолы патологияларының ауыр асқынулары жиі кездеседі. Мысалы, бір жасар нәрестеге шарикті қаламнан дем алуға тура келді. Бастапқыда науқас қатты жөтеліп, ентіге дем ала бастаған. Оның анасы не болғанын түсінбей дереу педиатрға жүгінген. Әр түрлі диагноздар алдын-ала қойылған. Рентген арқылы тексеру де, басқа сынақтар да нәтиже көрсетпеген.
«Жұма күні күрт жөтеліп, демалысы ысқырық сияқты болып, 2 сағаттың ішінде баланың тыныс алуы нашарлап кетті. Ауруханаға барып педиатр дәрігердің алғашқы көмегіне жүгіндік. Рентген апаратымен түсірді, бәрі таза деді. Бірақ ысқырып демалу тоқтамады. Содан кейін бронхит деп емдеді ол да әсер етпеді. Пульмонологқа бардық, олар бөгде зат бар немесе аллергия деп айтты. Хирург Жалғас Қайырбекұлы бізді тыңдап, рентгенге анализіне қарап, дәл диагноз қойып, бронхоскопия жасады. Қалалық аурухананың 4-ші бөліміне үлкен алғыс айтамыз, білімді дәрігерлер жоғары деңгейде қызмет көрсетті», – деді кішкентай науқастың анасы.
Алматы қалалық балалар жедел жәрдем орталығының хирург-дәрігері Куниязов Жалғас Қайырбекұлы нәрестеге толық кеудесімен дем алуға көмектесті. Тыныс алу жолдарының бөгде затпен зақымдануы деген диагноз қойып, дереу бронхоскопия процедурасын жүргізген. Бұл – науқастың тыныс алу жолында тұрып қалған қақпақты операциясыз алуға мүмкіндік берді.
«Диагностика жасау кезінде науқастың тыныс алу жолындағы зат металл емес болғандықтан, оны рентгенограммада көру қиын болды. Тек жанама белгілер көрсетілді. Бұл бөгде зат екенін тәжірибемнің арқасында түсінген шығармын», – деп атап өтті хирург-дәрігер Жалғас Куниязов.
Медицина мамандары атап өткендей, тұрып қалған бөгде затты әрқашан жылдам шығаруға болмайды. Кейде қауіпті немесе химиялық заттардың ағзаға енуі трахея мен өңешке ауыр жарақат әкеледі. Балалар үшін ең қауіптісі – кішкентай батереяны жұтып қою. Ол химиялық күйік жараларын және басқа патологияларға әкеп соғады. Мұндай асқынуларды көбінесе хирургиялық операциямен емдейді.
«Батареяларды жұтып қойған жағдайда, баланың асқазанынан бұрын тыныс алу жолдарына түсіп, ауыр асқынуды тудырады. Өңеш пен трахея өте күрделі үлкен тамырлар мен жүйке ұштары бар анатомиялық аймақта орналасқандықтан, операция жасау өте қиын. Біздің мұндай науқастарды емдеуде мол тәжірибеміз бар және оны қазақстандық мамандармен бөлісеміз», – деді Санкт-Петербург (РФ) балалар ауруханасының бөлімше меңгерушісі Эльзамин Салахов.
Мұндай науқастарды соңғы 20 жыл бойы Эльзамин Салахов емдеп келеді. Бір аптаға Алматыға қазақстандық дәрігерлермен өз тәжірибесімен бөлісу үшін арнайы келді. Шетелдік маманның шеберлік сағатын Санжар Асфендияров атындағы Қазақ ұлттық медицина университеті Алматы қаласының қоғамдық денсаулық сақтау басқармасымен бірлесіп ұйымдастырды.
«Біздің шеберлік сағатымыздың тақырыбы – балалардағы өңеш пен трахеяның зақымдануы. Бұл – өзекті мәселе, мамандар үшін материалдар тіптен аз. Өйткені белсенді хирургиялық және консервативті емдеу әдісін қажет ететін сирек кездесетін патология. Алматыға келген мақсатым – балалардың мұндай мәселесін қалай шешу керегін, өткір кезеңде, созылмалы кезеңде, қашан және қандай операциялар жасауға болатынын үйрету және түсіндіру. Мұндай жағдай балаларда сирек кездеседі, көптеген асқынуға душар етеді. Бұрын мұндай науқастар өмірімен ерте қоштасқан. Біз осы патологиямен айналыса бастаған соң өлім-жітім ең төменгі деңгейге дейін түсті. Тіпті, іс жүзінде жоқ деуге болады. Қазақстандық мамандар біздің кеңестер мен тәсілдерді қабылдайды деп ойлаймын», – деп атап өтті шетелдік маман.
С.Ж.Асфендияров атындағы ҚазҰМУ ұйымдастырған шеберлік сағаттары Алматының түрлі медициналық ұйымдарында өтеді. Ресейден, Германиядан және Израильден үздік профильді мамандарды шақырады. Ондаған сарапшылар өз тәжірибесімен бөлісіп, операциялар жасап және дәрігерлерге ауруларды диагностикалау мен емдеудің заманауи әдістерін үйретеді.
«ҚазҰМУ – Қазақстан медицинасын дамытуда маңызды рөл атқарады. Біз дәрігерлердің кәсіби өсуіне жағдай жасауға тырысамыз және халықаралық тәжірибені белсенді түрде енгіземіз. Біздің білім беру ісіндегі бастамалардың арқасында қазақстандық мамандар әлемдік стандарттар бойынша жұмыс істеуге мүмкіндік алады. Бұл – елдегі медициналық көмектің сапасына тікелей әсер етеді», – деп атап өтті ҚазҰМУ ректоры Марат Шоранов.
Шеберлік сағаттар сериясы биылғы жылдың желтоқсан айының ортасына дейін жалғасады. Медицина және медициналық білім беру ісіндегі барлық ақпараттарды білу үшін біздің жаңалықтарды қадағалап отырыңыз.
