«Асфендияров мұрасы» атты тарих пәнінен интеллектуалды олимпиада
Рухани жаңғыру бағдарламасын жүзеге асыру мақсатында «Рухани қазына – болашақ тұғыры» жобасы аясында 2019 жылы 04 желтоқсан күні Санжар Асфендияровтың туғанына 130 жыл толуына орай Жастар саясаты басқармасы, Стоматология мектебі мен Қазақстан тарихы және әлеуметтік-гуманитарлық пәндер кафедрасының ұйымдастыруымен «Асфендияров мұрасы» атты тарих пәнінен интеллектуалды олимпиада өткізілді.
Олимпиадаға университетініміздің Стоматология, Фармация, Жалпы медицина, Педиатрия мектептері мен Халықаралық медицина факультетінің студенттері қатысып Санжар Асфендияровтың өмірі мен еңбек жолы туралы жоғары білімдерін көрсетті.
Олимпиада 5 кезеңнен тұрды:
І – кезеңде «Сәлемдесуде» командалар алдын-ала дайындалған бейнероликтер арқылы өздерін таныстырды. ІІ – кезеңде «Көкпар» қатысушылар ұяқшықтағы сұрақтарды таңдап, оған жауап берді. ІІІ – кезеңде «Полиглот» 3 тілді меңгергені туралы көрсету керек болған. IV – кезеңде «Шешендік» шеберлік сайысы болса, V– кезең «Жорғада» қойылған сұрақтарға жылдам жауап беру керек болды.
Интеллектуалды олимпиаданың нәтижесі бойынша І – орынды: Жалпы медицина мектебінің студенттерінен Бақытов Ербек, Рахметуллаева Аймереке, Жолдас Динара, Тлегенов Акбота, Мұратқызы Ұлпан тұратын «Алаш ұрпақтары» командасы иемденді. ІІ – орынды Амангельді Жасұлан, Мишра Лакшми, Абикенова Жанель, Асанова Анэля, Аубакиров Әділжан Халықаралық медицина мектебінің студенттерінен құралған «Миллениум» тобы, ал ІІІ – орынды Педиатрия мектебінің студенттері Амангелдиева Салима, Күнжан Азиза, Орынтай Айша-бибі, Сәрсенқызы Әзізә, Фархатова Лейладан құралған «Эверест» тобы иемденді.
Іс-шараның соңында стоматология мектебінің тәрбие жұмысы бойынша декан орынбасары Б.А.Амантаев сөз сөйлеп, студенттердің білімділігі мен дайындығына жоғары баға берді. Келесі кезекте сөз алған Қазақстан тарихы және әлеуметтік-гуманитарлық пәндер кафедрасы меңгерушісінің м.а. З.А.Нагайбаева студенттерге олимпиадаға қатысып, белсенділік көрсеткендері үшін алғысын білдірді. Студенттер кубок және сертификаттармен марапатталды
