БАЛАЛАРДЫҢ ДЕНСАУЛЫҒЫНА ҚАМҚОРЛЫҚ ЖАСАУ – С.АСФЕНДИЯРОВ АТЫНДАҒЫ ҚАЗҰМУ-ДЫҢ ПРИОРИТЕТІ
Санжар Асфендияров атындағы Қазақ ұлттық медицина университеті балалар денсаулығын сақтау және жақсарту жөніндегі игі миссиясын іске асыруда. Қаншама жылдар бойы біздің университет өзінің мансабын ең жас және осал емделушілерге қамқорлық жасауға арнаған жоғары білікті педиатрлар мен мамандарды даярлаудың озық орталығы болып табылады.
ҚазҰМУ-да алты кафедрадан тұратын педиатрия факультеті жұмыс істейді. Олардың әрқайсысы балалар медицинасы саласындағы білімнің, тәжірибе мен инновацияның қуатты тірегі болып табылады. Біздің кафедралар неонатологиядан жасөспірімдер медицинасына дейінгі педиатриялық пәндердің кең ауқымын қамтиды. Болашақ дәрігерлерді жан-жақты оқыту мен практикалық дағдыларды үйретуге баса назар аударады. Айта кетейік, Қазақстанда педиатр мамандарды оқыту 2007 жылы тоқтатылып, 2018 жылы қайта қалпына келтірілді. Биылғы жылы резидентурадағы педиатрлардың 15 жылдан кейінгі алғашқы қатары оқуды аяқтайды. Қазіргі таңда педитрия мектебінің әртүрлі бағыттағы 6 кафедрасында 900-ге жуық студент білім алуда.
Біз өз салаларында танымал сарапшылар болып табылатын оқытушыларымыз бен ғылыми қызметкерлерімізді мақтан тұтамыз. Олар студенттерге терең теориялық білім берумен ғана емес, ғылыми зерттеулер мен клиникалық тәжірибеге үйретуде. Бұл – біздің түлектерімізге педиатрия саласында көшбасшы болуға мүмкіндік береді.
Университетіміз жетекші медициналық мекемелермен және халықаралық ұйымдармен белсенді ынтымақтастықта жұмыс істейді. Бұл бізге балаларды емдеудің озық әдістері мен стандарттарын енгізуге ықпал етеді. Балалар денсаулығына салынған инвестиция – бұл біздің қоғамның болашағына салынған инвестиция екеніне кәміл сенімдіміз.
Оқыту мен ғылыми зерттеу үшін қолайлы жағдай жасай отырып, инфрақұрылымды дамытуды жалғастырамыз. Ең жаңа құралдармен жабдықталған заманауи зертханалар, оқу аудиториялары мен клиникалық базалар студенттерімізге қажетті білім мен дағдыларды жоғары деңгейде меңгеруге көмектеседі.
Балалар денсаулығына қамқорлық жасаудың флагманы – ҚазҰМУ-дың ведомстволық бағынысты Педиатрия және балалар хирургиясы ғылыми зерттеу орталығы. Бұл – бірегей ғылыми-зерттеу және емдеу мекемесі. Сондай-ақ еліміздің жетекші университеттерінің білім беру базасы. Мұнда дәрігерлердің көп жылдық тәжірибесі педиатрия мен балалар хирургиясы саласындағы медицина мен ғылымның инновацияларымен үйлесімді етеді. Орталықтың негізгі мақсаты – инновациялық технологиялар мен озық медицина ғылымының жетістіктерін пайдалана отырып, Қазақстан балаларының денсаулығын сақтау және нығайту, балаларға сапалы медициналық қызметтер көрсету және өңірлерде педиатриялық қызметтің жұмысын үйлестіруді жүзеге асыру.
Балаларға көмек көрсетуге арналған тағы бір бірегей мекеме, ол – С.Асфендияров атындағы ҚазҰМУ-дың «Ақсай» балалар клиникалық ауруханасы. Мұнда Қазақстанның түкпір-түкпірінен келген балаларға озық бірегей операциялар мен терапия жүргізіледі. «Ақсайда» елімізде алғаш рет Ахондроплазия диагнозы қойылған кішкентай емделушілерге операциялар, сондай-ақ балаларға буллезді эпидермолиз терапиясы жүргізіле бастады. Бұл орталықтың дәрігерлері тірек-қимыл аппаратының ауыр патологиясы және есту проблемалары бар балаларға жаңа өмір сыйлайды.
Санжар Асфендияров атындағы ҚазҰМУ-да біз әрбір түлегіміздің педиатрия саласындағы ең күрделі сын-қатерлерге дайын болуын және балалардың денсаулығын сақтауға елеулі үлес қоса алуын қамтамасыз етуге тырысамыз. Біздің мақсатымыз – әр баланың денсаулығы мен әл-ауқатын жақсарту және бұл біз күнделікті орындайтын абыройлы міндет.
