Баршаға ортақ – Наурыз мейрамы
С.Ж.Асфендияров атындағы Қазақ Ұлттық медицина университетінде 2016 жылдың 16-шы сәуір күні, жылдағы қалыптасқан дәстүр бойынша баршаға ортақ Наурыз мейрамы аталынып өтті. Негізгі ғимарат ректорат корпусы, «Мәңгілік ел» алаңында екі үлкен киіз үй тігіліп, алтыбақан құрылды. Ұлттық тағамдарға толы оқытушылар мен қызметкерлерге, студенттерге арналған Наурыз дастарханы молынан жайылды. Наурыз мейрамына арнайы келген қонақтарымыз М.Әуезов атындағы Қазақ мемлекеттік академиялық драма театрының жас әртістері ұлттық салт-дәстүрлер мен ұлттық ойындар қамтылған театрландырылған қойылым қойды. Тетарландырылған қойылым ары қарай, Т.Жүргенов атындағы Қазақ Ұлттық өнер академиясы студенттерінің және ҚазҰМУ көркемөнерпаздар үйірмелері студенттерінің қатысуымен өткен концерттік бағдарламамен жалғасын тапты. Концерт соңында қонақтар киіз үйде жайылған дастарханнан дәм татты. Сонымен қатар, «Арена» театры жанындағы үлкен алаңда дене тәрбиесі және денсаулық кафедрасының ұйымдастыруымен ұлттық ойындар өткізілді.
Жастар мәдени шығармашылық орталығының көркемдік жетекшісі
С.А.Апсаттарова
