«Биофизика курсымен информатика» кафедрасының профессоры Адибаев Берік Мұқатұлына 75 жыл!
«Биофизика курсымен информатика» кафедрасының профессоры, Қазақстан республикасының Денсаулық сақтау ісінің үздігі, Халықаралық «Невада-Семей» антиядролық қозғалысының 25 жылдық және университеттің Алтын медалдарының иегері, еңбек ардагері Адибаев Берік Мұқатұлы 75 жасқа толып отыр. Ғылыми -педагогикалық еңбек өтілімі – 55 жыл, ҚазҰМУ – 46 жыл.
125 астам ғылыми жұмыстары баспадан шыққан, оның қатарында 23 оқу әдістемелік құралы бар. «Стоматология» факультетінің деканының орынбасары және Емдеу факультетінің деканының орынбасары қызметін атқарды. ҚазҰМУ-де 1974жылдан бастап кафедраның оқытушысы, сосын аға оқытушы (1976ж.), доцент (1981-1985жж.) және ҚазҰМУ-ның профессоры (2005ж.) қызметін атқарады. 1983жылдан бастап 2008 жылға дейінгі аралығында физика, математика және медициналық информатика кафедрасының меңгерушісі қызметін атқарды. Мәскеулік Халықаралық білім көрмесінің жаратылыстану академиясының Алтын медалімен (2017ж.), «Еңбек ардагері» медалімен (2018ж.), оқу-әдістемелік және тәрбие жұмысындағы жеткен жетістіктері үшін бірнеше рет ҚазҰМУ және ҚР Білім және ғылым қызметкерлерінің кәсіподақ ұйымының (2015ж.) Құрмет грамоталарымен марапатталды және Алғыс алды.
Берік Мұқатұлы Сізге денсаулық, ұзақ ғұмыр және бақыт тілейміз.
Асулардан асуға өрлегенде,
Кез келді қиналған да терлеген де.
Мерекелі мерейтой құтты болсын
Үлгі болды әрқашан көпке ісіңіз,
Болашақта баянды бақ құшыңыз
Шын ниетпен тілейміз-құтты болсын,
Желбегей шекпен киген жетпіс бесіңіз!
