Бір тамшы нәр…
Желтоқсан айының 5-ші жұлдызында стоматология мектебінің «Бір тамшы нәр…» қайырымдылық қозғалысының ұйымдастыруымен, университет әкімшілігінің және студенттерінің қолдауымен «Мейірім.Білім.Даму» атты қайырымдылық кеші өткізілді. Бір тамшы нәр… қайырымдылық қозғалысы биыл 5-ші жыл қатарынан ұйымдастырылып отыр. Бұл кеш басқа кештерден ерекше. Себебі жаңа бағыттар мен жаңа жоспарларға толы болды. Кешті Университетіміздің алтын қорына енген академик, Тағамтану академиясының президенті Шарманов Төрегелді Шарманұлының алғы сөзімен ашылды.
Кешті Оңдасын Дінмұханбетұлы жүргізді. Жаңа жастар симфониялық оркестрі “Ne prosto orchestra” өздерінің үздік туындыларымен кешті ашты.
Өз кезегінде Университетіміздегі іс-шараларда белсенділік танытып, биыл 6-шы рет ұйымдастырып отырған басты ұйымдастырушысы Бөріхан Ерболат Абайұлы жаңа бағыттармен жаңа жобаларды көрермендерге ұсынды. Және де, айтпай кеткен болмас, кеште қазақ эстрадасының жарық жұлдыздары «Melomen» тобы мен Айгерім Қалмұратова, Әлішер Бураханов, Мадияр Алинуров ән салып, әзілдерімен халықты баурап алған “КТА Ауылдар құрамасы” мен “kartop.tv” қатысты.
Бұл шарада стоматология мектебінің де студенттері өнерден шет емес: би билеп, ән айтып, жүректі тебірентерлік жырлардың оқылуымен кешті көркемдеді.
Кештің мақсаты: Студенттердің жобаларымен университетімізде әлеуметтік аз қамтылған студенттерге көмек көрсету.
Бізді қолдаған университетіміздің әкімшілігіне, университетіміздің Студенттік Үкіметіне және «Білім алушылар кәсіподақ ұйымына» алғасымызды білдіреміз
