Денсаулық – әрбір адам үшін басты құндылық
Жетінші сәуір – Дүниежүзілік денсаулық күні, осыған байланысты елімізде әртүрлі іс-шаралар өткізіледі. Сондай шаралардың бірі, университетте жыл сайын дәстүрлі түрде «Тәрбие жұмысы және білім алушыларды әлеуметтік қолдау бөлімінің» (Р. Жармағанбет) ұйымдастырумен «Денсаулық сақтау қызметінің жаппай қамтылуы: барлығы үшін және барлық жерде» айдармен, «Денсаулық барлығы үшін!» ұранымен студенттік Аренада өткізілген университеттік Акция.
Дүниежүзілік денсаулық күніне орай ұйымдастырылған іс-шараға «Нутрициология» (Кожахметова А.Н., Хасенова Г.Х., Ушанская Е.Ю.), «№ 3 Жалпы дәрігерлік тәжірибе» (проф. Култаев М.С., асс. Исаева К.К., Кушимбаева К.Ш.), «Балалар стоматологиясы» (Ибрагимова К.Т., Оспанова Ф.Б.), «Дене тәрбиесі және ТҚН» (Атагулова Г.Ж.), «Шұғыл медициналық жедел жәрдем» (Нуфтиева А.И., Турланова А.К., Тиляева А.М.), «Клиникалық фармация және фармация экономикасын басқаруды ұйымдастыру» (Кантуреева А.М.) кафедраларының профессор-оқытушылар құрамы, Халықаралық медицина факультеті (Мухамедиева Г.М.), 6 курс интерндері, «Еріктілер лигасының» мүшелері және студенттер ұйымдасқан түрде ат салысты.
ҚазҰМУ білім алушыларының кәсіподақ ұйымы (Бөріхан Е.) Дүниежүзілік денсаулық күніне арнап баннер жасауға қолғабысын тигізді.
Акция басталар алдында Төле би-Масанчи-Бөгенбай батыр-Сейфуллин даңғылы шаршысында 604-1/2 топ интерндері Алматы қаласы тұрғындары арасында санитарлық-ағарту жұмысын жүргізді. Салауатты өмір салты бойынша және әр түрлі аурулардың алдын алу туралы 200-дей буклет таратылды.
Іс-шараны стратегиялық және корпоративтік даму жөніндегі проректор У.М. Датхаев ашып, ҚазҰМУ ақсақалдар алқасының мүшесі Т.А. Измухамбетов, Санкт-Петербург химия-фармацевтикалық академиясының проректоры Кириллова Е.Н., №3 Жалпы дәрігерлік тәжірибе кафедрасының меңгерушісі, проф. Култаев М.С. өз ойларымен бөлісті.
Арена амфитеатрында кафедра қызметкерлері мен студенттер келген адамдардың дене салмағының индексі мен артериалдық қысымдарын өлшеп, инсульттің алдын алу, дұрыс тамақтану мен салауатты өмір сүру жайында кеңес беріп, дәруменді сусындардан дәм татқызды, стоматология және фармация саласы бойынша жетістіктермен таныстырды.
Студенттер белсенді түрде йога және медитациямен айналысып, дене шынықтыру жаттығуларының элементтерін жасау арқылы флеш-моб өткізді. Іс-шараны жүргізуші Рахмет Ермек тақырыпқа сәйкес ойындар ұйымдастырды. Акцияға жалпы 400 адам қатысты.
Акцияны ұйымдастырушылар барлық қатысушыларға белсенді түрде қатысқандары үшін алғыс айтып, ДЕНСАУЛЫҚ тілейді.
Жастар саясаты басқармасы
