Дүниежүзілік денсаулық күніне орай ҚазҰМУ Алматының жоғары оқу орындары арасында студенттерді біріктірген ауқымды марафон өткізді
Ірі спорттық іс-шара Қазақстан Республикасы Денсаулық сақтау министрлігі қолдауымен, «Динамо» дене шынықтыру-спорт қоғамы қатысуымен «Динамо» стадионында ұйымдастырылды.
Марафон тек спорттық жарыс емес, бірлік пен жігердің, салауатты өмір салтын саналы таңдаудың жарқын символына айналды. Бір алаңда студенттер, оқытушылар, қызметкерлер және түрлі жоғары оқу орындарының өкілдері бас қосып, денсаулық, қозғалыс және белсенді өмір ұстанымын қолдады.
Марафонға қатысқан оқу орындары:
- ҚазҰМУ
- Абай атындағы ҚазҰПУ
- Қазақ ұлттық қыздар педагогикалық университеті
- ҚазГАСА
- Абылай хан атындағы ҚазХҚжӘТУ
- Қазақ спорт және туризм академиясы
- «Алматинский клуб марафонцев» қоғамдық қоры
Жоғары оқу орындары арасындағы формат, Денсаулық сақтау министрлігінің қолдауы және қаладағы жетекші университеттердің қатысуы бастаманың ауқымы мен маңызын айқындады. Алайда бұл күннің басты мәні тек қашықтықта емес, денсаулық – бұл жеке таңдаудан, алғашқы қадамнан және әрекетке дайын болудан басталатынын ұғындырды.
Бұл күні болашақ дәрігерлер, педагогтер, инженерлер, спортшылар мен жаңа буын көшбасшылары мәреге шығып, салауатты өмір салтының жай ұран емес, нақты әрекет екенін көрсетті.
ҚазҰМУ үшін мұндай марафонды ұйымдастыру – денсаулық мәдениетін қалыптастыру, аурулардың алдын алу және қоғамдық әл-ауқатты арттыру бағытындағы жүйелі жұмыстың жалғасы. Университет денсаулық сақтау саласына мамандар даярлай отырып, денсаулықты күнделікті өмірдің ажырамас бөлігіне айналдыратын орта қалыптастырып келеді.
«Динамо» стадионы осы күні жастардың жігері, қуаты мен жарқын болашаққа деген ұмтылысын тоғыстырған орынға айналды. Марафон тағы бір рет ұлт денсаулығы алғашқы қадамнан басталатынын дәлелдеді, бұл қадамды алматылық студенттер ҚазҰМУ-мен бірге жасады.
