XXVIII қысқы Дүниежүзілік Универсиада-2017 ойындарына ҚазҰМУ студенттерінен еріктілерді тарту
2017 жылдың 29 қаңтар – 8 ақпан аралығында Алматы қаласында XXVIII қысқы Дүниежүзілік Универсиада ойындары өткізіледі. Қысқы Универсиада ойындарын өткізу және дайындық жұмыстарына ЖОО орындары студенттерінен еріктілерді тарту жұмыстары жүргізілуде.
Осы орайда, 2016 жылдың 25-ші қазан күні ҚазҰМУ-дың Даңқ Залында «2017 жылы Алматыда өтетін 28-ші Дүниежүзілік қысқы Универсиадаға дайындық пен оны өткізу бойынша Дирекциясы» Еріктілермен жұмыс жүргізу департаментінің қызметкерлері студенттерге түсіндіру жұмыстарын жүргізді. Кездесуге 200 астам университет белсенді студенттері қатысты.
Шара соңында еріктілер қатарына қосылуға ниет білдірген студенттер, ұсынылған анкеталарды толтырып, еріктілер қатарына қосылуға қадам жасады. Бұдан әрі, еріктілер қатарына қосылу үшін арнайы сұхбаттасудан өтіп, дайындық жұмысына қатысатын болады.
