«Жайдарман – ол өнер емес, өмір…»
«Жайдарман» – еліміздегі ең алғашқы жастар арасындағы әзілден құралған ойын түрі. Астарында шындық бар әзіл айту, қоғамдағы әр түрлі құбылыстарды әзіл арқылы жеткізу әрбір адамның қолынан келе бермейтін өнер. Осындай талантты жастар қоғамның мәдени және саяси-әлеуметтік дамуына өз үлестерін қосып, еліміздегі жастар саясатын және жастар арасындағы өнерді барынша дамытып келеді. Елімізде 20 жылдан астам тарихымен талай жастарды биік шыңдардан көрсетіп жүрген бұл ойын түрінің орны ерекше. Сол себепті С.Ж. Асфендияров атындағы ҚазҰМУ-де «Жайдарманға» ерекше назар аударғандығын айтқымыз келеді.
Осыған орай, 2023 жылдың 26 қыркүйек күні С.Ж. Асфендияров атындағы ҚазҰМУ мен «Қазақстан КВН Одағы» Республикалық жастар қоғамдық бірлестігі арасында Ынтымақтастық туралы меморандум жасалды.
Кездесу барысында университет проректоры У.М. Датхаев, талантты жастардың қоғам өміріне белсене араласуына зор ықпал етіп жүрген «Қазақстан КВН Одағы» Республикалық жастар қоғамдық бірлестігі – тәрбие құралы. Ойындарға қатысқан жастар орта көреді, көпшіліктің алдына шығып сөйлеп үйренеді. Тез шешім шығаруға машықтанады, өзіндік пікірлері қалыптасады, қоғамнан өз орындарын табады – деп, жасалған ынтымақтастыққа сәттілік тіледі.
Жалпы «Жайдарман» – позитивтің, креативтің, шындықтың, жалынды жастардың ортасы. Сондықтанда Университетте білім ала жүріп, белсенді, шыншыл, креативті жастардың ортасында болғын келсе – «Жайдарманға» қосыл! «Жайдарман» достар мекені. «Жайдарман» жас, мамандық талғамайды. «Жайдарманда» көп нәрсе үйренесін!
