«Жылу сыйлаймыз!» акциясы
2020 жылдың 18 ақпан күні Алматы қ. Хамит Ерғали жағалауында С.Ж.Асфендияров атындағы ҚазҰМУ Жас Отан Жастар қанаты бөлімшесінің белсенді студенттерінің дәстүрлі түрде өткізіп келе жатқан «Жылу сыйлаймыз!» акциясы өз жалғасын тапты.
Аталмыш акция «Волонтер жылында» бастау алып, «#BIZBIRGEMIZ» челенджіне қолдау білдіру және университетіміздің 90 жылдығына орай, «90 игі іс» жобасы аясында жүзеге асырылды. Іс-шара барысында студент қыздар «аула тазалаушыларға» өздері дайындаған дәмді бауырсақ пен ыстық шәй таратқан болса, студент ер азаматтарымыз «тазалық сақшыларының» жұмыстарына көмек қол қабыс жасап, қар күреді. Шараның нәтижесі біршама жердің мұзы ойылуы және қардан тазалануымен көрініс тапты.
