Кеңес Одағының Батыры  Мәншүк Маметованы еске алу іс-шарасы  өтті

2017 жылдың 26 қазан күні Университеттің  Қаһармандар аллеясында қазақтың қаһарман қызы, Кеңес Одағының БатырыМәншүк Маметованың 95-жылдығына орай  еске алу  іс-шарасы өткізілді.  Іс-шара барысында Кеңес Одағының батырлары Мәншүк Маметова мен Владимир Иванилов ескеткішіне гүл шоқтары қойылды.

Іс-шараның мақсаты – өскелең ұрпақты патриоттық сезімге баулу, өткен күннің тарихына құрмет көрсету болып табылады. Әскери кафедрасының оқытушысы Ә. Лесбаев аға сержант, пулеметші Мәншүк Маметованың өмірі, қаһармандығы, мергендігі,  Невель қаласында болған кескілескен шешуші ұрыста көрсеткен  ерлігі  туралы  айтып  өтті. 2012 жылы Невель қаласына Мәншүк  жерленген  жергебарып қайтқаны жөнінде және осы бағытта жасалынған арнайы экспедиция туралы естеліктерімен бөлісті. Еске алу күні ҚазҰМУ Әскери кафедрасының оқытушылары, Студенттермен жұмыс жөніндегі басқармасы қызметкерлерінің  және  Жалпы медицина мектебінің 1 курс студенттерінің қатысумен өткізілді.

ҚазҰМУ Әскери  кафедрасы

Студенттермен жұмыс жөніндегі басқарма