«Климаттың өзгеруі және денсаулық: сын-қатерлер мен бейімделу стратегиялары» тақырыбындағы семинар ҚазҰМУ-де өтті
2025 жылғы 23 сәуірде С.Д.Асфендияров атындағы ҚазҰМУ-дың Фитотека залында «Климаттың өзгеруі және денсаулық: сын-қатерлер мен бейімделу стратегиялары» тақырыбында ғылыми-білім беру семинары өтті. Бұл – болашақ медицинасы мен жалпы өмір сапасына тікелей қатысты маңызды тақырып. Іс-шара әртүрлі кафедра оқытушыларын және студенттерді біріктірді.
Семинарды ҚазҰМУ проректоры Жанна Амантаевна Калматаева мен Жалпы медицина-2 мектебінің деканы Гүлжан Амангельдиевна Шопаева ашты.
Климаттың өзгеруі бұрынғыдай алыс болашақтың мәселесі емес – бұл біз күн сайын бетпе-бет келіп отырған шынайы жағдай. Температураның көтерілуі, ауаның сапасының төмендеуі, ауа райының күрт өзгеруі, ауыз судың жетіспеушілігі, жұқпалы аурулардың таралуындағы өзгерістер – мұның барлығы жай ғана экологиялық мәселелер емес, бұл – денсаулығымызға және амандығымызға төнетін тікелей әрі жанама қауіптер.
Семинардың мақсаты – тек ғылыми деректер мен статистиканы талдау ғана емес, кеңірек қарау: бұл үдерістер халықтың әртүрлі топтарына қалай әсер етеді, қандай шаралар қолданылып жатыр және біз – экологтар, мемлекеттік органдар, ғалымдар, дәрігерлер, студенттер, белсенділер – денсаулық сақтау жүйесінің төзімділігін арттыру және қауіптерді азайту үшін тағы не істей аламыз?
Семинар аясында үш сессия өтті, онда 10-нан астам сарапшы климаттың өзгеруіне байланысты маңызды мәселелерді талқылады:
-Климат тұрғындардың денсаулығына қалай әсер етеді?
-Ауаның ластануы, су және температураның өзгеруі қандай қауіп төндіреді?
-Болашақ дәрігері нені білуі керек?
1-сессия: Климат және денсаулықтың жаһандық трендтері
Баяндамашылар:
-Бегімбетова Гүлшат Алтаевна – «Климаттық факторлардың тұрғындар денсаулығына әсері»
-Абуов Жамиль Жолдыбаевич – «Экологияның денсаулыққа әсері»
-Алимханова Қарлығаш Ниязбековна – «Климаттық қатерлер және қоғамдық денсаулық»
2-сессия: Денсаулыққа төнетін нақты қауіптер. Жұқпалы және жұқпалы емес аурулар
-Егембердиева Равиля Айтмагамбетқызы – «Климаттың өзгеруі және оның жұқпалы ауруларға әсері»
-Цой Радмила Тимсоновна – «Ауаның ластануының когнитивті функциялар мен деменция қаупіне әсері»
-Мәденбай Кәмшат Мұратқызы – «Психикалық денсаулықты сақтау: болашақ стратегиялар»
-Нұрланова Зарина Арыстановна – «Климаттың өзгеруі жағдайында денсаулықты жоспарлау»
-Ясаков Иван Сергеевич – «Климаттың өзгеруі мен онкологиялық аурулардың байланысы»
-Сейдинова Айгерім Шораевна – «Ауыз су сапасы және оның адам денсаулығына әсері»
3-сессия: Климат дағдарысы жағдайында бейімделу, төзімділік және дәрігердің рөлі
Бұл сессия сараптамалық пікірталас форматында өтті. Қатысушылар:
-Калматаева Жанна Амантаевна – академиялық қызмет жөніндегі проректор, медицина ғылымдарының докторы, профессор (қоғамдық денсаулық сақтау саласының маманы)
-Туруспекова Сәуле Тлеубергеновна – жүйке аурулары кафедрасының меңгерушісі, медицина ғылымдарының докторы, профессор, ҚР ДСМ бас неврологы
-Мамырхан Дария Талғатқызы – 6-курс интерні
Семинарға қатысқан аудитория (студенттер, интерндер, оқытушылар) бұл шараның пайдалы, мазмұнды болғанын атап өтті. Ол тек ойлануға емес, пікір алмасуға, ең бастысы – әрекет етуге, қоршаған орта мәселелерінің алдын алуға өз үлесін қосуға ынталандырды. Себебі кез келген үлкен өзгеріс – әңгімеден, идеялардан, осындай кездесулерден басталады.
Біз маңызды жайлы айтып отырмыз. Біз білім мен дағды қалыптастырамыз. Біз – тұрақты денсаулық үшінбіз.
