«Клиникалық және эксперименталдық неврология, нейрохирургия, нейрофизиологияның өзекті мәселелері» атты XXVI Халықаралық ғылыми-тәжірибелік конференциясы
«Неврологтар қауымдастығы» қоғамдық бірлестігі және С.Д.Асфендияров атындағы Қазақ ұлттық медицина университетінің жүйке аурулары кафедрасы Сізді 2025 жылғы 30-31 мамыр күндері Алматы қаласында (Қазақстан Республикасы), Best Western Plus Atakent Park Hotel қонақ үйінде (Тимирязев көшесі, 42) аралас форматта өтетін профессор С.К.Қайшыбаевтың 90 жылдық және С.Д.Асфендияров атындағы ҚазҰМУ-дың 95 жылдық мерейтойларына арналған «Клиникалық және эксперименталдық неврология, нейрохирургия, нейрофизиологияның өзекті мәселелері» атты XXVI Халықаралық ғылыми-тәжірибелік конференцияға қатысуға құрметпен шақырады, тіркелу берілген сілтеме бойынша https://medconference.online/ .
Неврология, нейрохирургия және онымен байланысты салалар бойынша отандық және шетелдік жетекші мамандар неврологиялық ауруларды диагностикалау, емдеу және оңалтудың заманауи әдістері туралы баяндайды, соңғы технологиялармен таныстырып, зерттеу саласындағы баға жетпес тәжірибелерімен бөліседі. Форумның маңызды бағыттарының бірі – құқықтық мәселелер мен медициналық құқық тақырыптарын қамтитын симпозиумдардың өткізілуі.
Форумға 200-250 адамның қатысуы жоспарлануда.
Конференция аясында шеберлік сағаттары, секциялық симпозиумдар (сателлиттер), клиникалық жағдайларды талдау өткізіледі. Қатысушыларға сертификаттар беріледі.
Форумның білім беру мәні зор және Қазақстан халқының медициналық көмегінің сапасын арттыру мен мамандардың кәсіби дамуына ықпал етеді.
