Кәсіби бағдар беру бойынша Оқушылар сарайында форум өтті
ҚазҰМУ-дағы кәсіби-бағдар беру жұмысы
Кәсіби бағдар беру бойынша Оқушылар сарайында форум өтті
2016 жылдың 19 ақпан күні сағат 11.30-16.00 аралығында Оқушылар сарайында ҚР жетекші ЖОО-ның қатысуымен Алматы қаласы Медеу және Алмалы аудандарының жоғарғы сынып оқушыларына арналған Республикалық «Современное образование» журналының редакциясы мен Алматы қаласының білім беру басқармасының ұйымдастырумен оқу орындарының көрмесі – кәсіби бағдар беру бойынша форум өтті.
Университеттің Республикалық «Современное образование» журналының редакциясымен бірлескен жұмысы шеңберінде Кәсіби бағдар беру, студенттерді дамыту және бітірушілерді жұмыспен қамту орталығының қызметкерлері, «Қоғамдық денсаулық сақтау» факультетінің өкілі – «Эпидемиология» кафедрасының аға оқытушысы Ж.Б.Бейсенбинова, «Мейірбике ісі» мамандығы бойынша – «Денсаулық сақтаудағы саясат және басқару» кафедрасының оқытушысы Н.С.Юсупова, «Фармация» мамандығы бойынша – «Фармацевт-менеджер» модулінің оқытушысы К.С.Жакипбеков аталған іс-шараға қатысып, Медеу және Алмалы аудандарының жоғары сынып оқушылары арасында кәсіби бағдар беру жұмысын жүргізді.
Кәсіби бағдар беру форумының қатысушыларына «С.Ж.Асфендияров атындағы ҚазҰМУ-не 85 жыл» фильмі көрсетілді, сонымен қатар Университет факультеттері мен мамандықтары туралы толық ақпарат берілді. Сонымен қатар, мектеп оқушылары мен ұстаздарға маман дайындау бағыттары, ҚазҰМУ-не оқуға түсу мен құжат тапсыру ережелері туралы кеңестер беріліп, Университет жайлы ақпараттық материалдар таратылды. Оқушылар Кәсіби бағдар беру, студенттерді дамыту және бітірушілерді жұмыспен қамту орталығының мамандарына мен университет оқытушыларына өздерін қызықтыратын, толғандыратын сұрақтарын қойып, оларға толыққанды жауаптарын алды.
