Профессор А.А. Ақановтың құрметіне арналған «KazNMU CUP III» Республикалық пікір сайыс турнирі өтті

01.03.2018 | просмотров: 3  496

2018 жыл ақпанның 24-25 күндері С.Ж.Асфендияров атындағы ҚазҰМУ «Alma Mater» Лидерлік дебат клубының ұйымдастыруымен отандық денсаулық сақтау саласының дамуына зор үлес қосқан Қазақстанның еңбек сіңірген қайраткері, 2008-2016 жылдар аралығында Университетіміздің ректоры қызметін атқарған, медицина ғылымдарының докторы, профессор Ақанов Айқан Ақанұлының құрметіне арналған «KazNMU CUP III» Республикалық пікір сайыс турнирі өткізілді.

Республикалық пікір сайыс турниріне еліміздің бес аймағы: Алматы, Тараз, Шымкент, Ақтөбе, Қарағанды қалаларының 30 аса жоғары оқу орнынан 60 команда қатысты. Ең ірі жастар пікір-талас алаңына айналған дәстүрлі «KazNMU CUP III» турнирі барысында медицина қызметкерлерінің құқығы, ЭКО жасанды ұрықтандыру, 3D импланттарды Қазақстан Республикасында дамыту, гендік инженерия сияқты медицина саласының күрделі мәселелері талқыланды.

Пікір-сайыс тунирі ҚазҰМУ спорт кешенінде «KazNMU CUP III» дебат турнирінің қатысушылары арасында футболдан достық турнирмен жалғасты.

«KazNMU CUP III» Республикалық пікір сайыс турнирі нәтижесінде,

A-LIGA бойынша:

І орын – Маликайдар Айжан, Али Нұрберген (Қарағанды мемлекеттік медицина университеті, Қазақ ұлттық аграрлық университеті)

ІІ орын – Өмірзақ Нұрдаулет, Қуаныш Мұқағали (Қазақ ұлттық университеті)

ІІІ орын – Тоқсанбаев Даулет, Сейітқұлов Еркебұлан (Қазақ ұлттық техникалық зерттеу университеті)

B-LIGA бойынша:

І орын – Аубакирова Балжан, Тынышбай Наргиза (Қыздар педагогикалық университеті)

ІІ орын – Жандарбек Жазира, Жәкен Нұрхан (Қазақ ұлттық университеті)

ІІІ орын – Еділбаева Назерке, Әбдіғалым Айгерим (Алматы энергетикалық және байланыс университеті)

Үздік спикер – Маликайдар Айжан (Қарағанды мемлекеттік медицина университеті)

ЛД-финалист – Өмірзақ Нұртуған (Қазақ ұлттық университеті)