«Мемлекеттік рәміздер – елдігімнің белгісі» атты мерекелік іс-шара өткізілді
4 маусым – ҚР Мемлекеттік рәміздерінің күніне арналған «Мемлекеттік рәміздер – елдігімнің белгісі» атты мерекелік іс-шара өткізілді.
Алғы сөз С.Ж.Асфендияров атындағы Қазақ ұлттық медицина университетінің Әлеуметтік- тәрбие жұмыстар департаментінің басшысы Махмутов Серік Қапанұлына берілді. Мемлекеттік рәміздердің маңыздылығы мен айшықты құрмет көрсетуді алға тартты. Қазақстан тарихы және әлеуметтік-гуманитарлық пәндер кафедрасының лекторы Несіпкалиев Дәурен Еренғалиұлы өз сөзінде рәміздердің ежелгі заманнан пайда болып, әр кез әр халықтың ұлттық символы болғанын тілге тиек етті. Қазіргі уақытта еліміздің заң нормаларымен қатаң сақталатын мемлекеттік рәміздерді құрметтеп, қастерлеп сақтау керек, – деді.
Іс-шара барысында Фармация мектебі 1-курс студенті Фериде Абдрахимова Әбдімомын Желдібаевтың күйі «Ерке сылқым», Стоматология мектебі 1-курс студенті Жұман Арын Құрманғазының «Адай» күйін орындады. Педиатрия мектебінің 1-курс студенті Бусабаева Аңсағанның орындауында «Астана» әні шырқалды. Стоматология мектебі 1-курс студенті Мәулен Аманкелдінің орындауында «Көк тудың желбірегені» әнімен іс-шара қорытындыланды.
