«Міндетті жұмыс өтемі және әскери дәрігер болу» атты кездесу өтеді

2025 жылғы бітірушілермен 17.04.2025 жылы сағат 15.00-де  «Міндетті жұмыс өтемі және әскери дәрігер болу» атты кездесу өтеді. Іс-шараға әскери сала өкілдері, «Қаржы орталығы» АҚ мамандары қатысады.

Кездесу барысында келесі мәселелер қарастырылады:

• Жоғары оқу орнын аяқтағаннан кейін 3 жылдық міндетті еңбек өтілін өтеу тәртібі мен шарттары;
• Жас мамандар үшін әскери-медициналық құрылымдарда жұмыс істеу мүмкіндіктері, қызмет шарттары мен артықшылықтары;
• Әскери салада еңбек еткісі келетін түлектерге арналған қосымша қолдау бағдарламалары.

Бұл кездесу — болашақ дәрігерлер мен сала мамандары үшін өздерінің кәсіби жолын нақты айқындауға, сұрақтарына жауап алуға және әскери-медициналық құрылымдар туралы толық ақпаратпен танысуға тамаша мүмкіндік.

Келем деушілерге есік ашық! Қатысу — ертеңгі кәсіби болашағыңызға жасалған маңызды қадам.

Ұлттық ұланнан:

1. Ұлттық ұланның «Оңтүстік» өңірлік қолбасшылығының медициналық басқармасының бастығы медицина қызметінің полковнигі Оспанов Арман Кеңесұлы;
2. Ұлттық ұланның «Оңтүстік» өңірлік қолбасшылығының 5571 әскери бөлімінің медициналық қызметінің бастығы медицина қызметінің подполковнигі Беккарнаев Нұртас Марғұланұлы;

ҚР Ұлттық қауіпсіздік комитетінен:

1. ҚР Ұлттық қауіпсіздік комитеті Шекара қызметінің офицері, медицина қызметінің подполковнигі Джумагулов Адиль Умербекұлы.
2. ҚР Ұлттық қауіпсіздік комитеті Шекара қызметінің офицері, медицина қызметінің аға лейтинанты Жумабек Жанболсын.

ҚР Қорғаныс министрлігінің Әскери-клиникалық госпиталінен:

1. Қазақстан Республикасы Қорғаныс министрлігінің Әскери-клиникалық госпиталінің басшысы, медицина қызметінің полковнигі Сахов Болатбек Нагатайұлы.
2. Қазақстан Республикасы Қорғаныс министрлігінің Әскери-клиникалық госпиталі басшысының орынбасары Яфаров Рамис Дамирович

«Қаржы орталығының» АҚ өкілі:

1. Тыныбеков Абылай Амангелдіұлы