Профессор Анна Тильки-Шиманска 03.11-13.11.2025 аралығында Н.А.Барлыбаева атындағы балалар аурулары кафедрасына «Визитинг профессор» бағдарламасы аясында келеді
Профессор Анна Тильки–Шиманска – Варшавадағы Балалардың мемориалдық медициналық орталығында тұқым қуалайтын метаболикалық бұзылулар және лизосомалық жинақталу аурулары бойынша жетекші маман. Ол лизосомалық жинақталу аурулары бар науқастарға арналған жаңа терапияны әзірлейтін халықаралық клиникалық зерттеулердің бас зерттеушісі және 300-ден астам ғылыми жарияланымның авторы (H-индекс 48).
Профессор Анна Тильки-Шиманска бағдарламада көрсетілген тұқым қуалайтын метаболикалық бұзылулар бойынша дәрістер топтамасын оқиды:
| Күні | Өткізу орны мен уақыты | Мекен-жайы (Алматы қ.) |
| 03-08 қараша
12-13 қараша |
Педиатрия және балалар хирургиясы ғылыми орталығы, (конференц-зал, 2 қабат), 09.00. | Әл-Фараби даңғылы 146 |
| 10-11 қараша | Алматы қаласының №2 балалар қалалық клиникалық ауруханасы. (конференц-зал, 4 қабат), 09.00. | Алтынсарин даңғылы 54 |
05.11-07.11.2025 аралығында Педиатрия және балалар хирургиясы ғылыми орталығында «Балалар тәжірибесінде сирек тұқым қуалайтын гепатопатиялар» тақырыбында мастер-класс өтеді, сертификаттар беріледі.
Профессордың сапары аясында тұқым қуалайтын метаболикалық аурулары бар науқастарға кеңес беру жоспарлануда. Педиатрияның басым бағыттары бойынша әлеуетті ғылыми ынтымақтастық, сондай-ақ халықаралық рецензияланатын журналдарда жариялау белсенділігін арттыру талқыланады.
