Профессор Баймаханов Болатбек Бимендіұлымен кездесу өтті
«2019- Жастар жылы», Рухани жаңғыру бағдарламасы аясында, 2019 жылғы 25 қараша күні Даңқ залында Жастар саясаты басқармасының қолдауымен елімізге танымал хирург-трансплантолог, м.ғ.д., профессор, А.Сызғанов атындағы Ұлттық хирургия ғылыми орталығының басқарма төрағасы Баймаханов Болатбек Бимендіұлымен кездесу болып өтті. Аталған кездесуге университеттің профессор оқытушылар құрамы, мектеп студенттері қатысты. Бір қуантарлығы «КazMSA Surgery» хирургия бағыты бойынша халықаралық деңгейдегі қысқы мектебінің ашылуына арнайы келген басқа университеттің студенттері кездесуге қатысуға ниет білдірді. Атап айтатын болсақ, Астана медицина университеті, Қазақ- Ресей медицина университеті, Ахмет Ясауи атындағы Халықаралық қазақ-түрік университеті, Семей мемлекеттік медицина университеті, Қарағанды мемлекеттік медицина университеті, Қырғыз Ресей (Славян) университеті (Қырғызстан), И.К.Ахунбаев атындагы Қырғыз мемлекеттік медицина академиясы. Кездесуді университет ректоры, м.ғ.д., профессор Нұрғожин Талғат Сейітжанұлы ашты. Өз кезегінде ректор Болат Бимендіұлының медицинадағы ерекше өзіндік орнына тоқтала отырып, аталмыш кездесу университет студенттері мен қонақтары үшін таптырмас мүмкіндік екенін атап өтті. Ректор осы кездесуді өз қолына алып, келген қонаққа сөз кезегін берді. Стратегиялық және корпоративтік даму жөніндегі проректоры У.Датхаев кездесуге модератор ретінде қатысты. Сөз кезегін алған Болат Бимендіұлы өзі туралы, өзінің еңбек жолына тоқтала кетті. Бұл кездесу сұхбат түрінде болғандықтан студенттерді мазалаған сұрақтарға жауап беретіндігін жеткізді. Х.Досмұхамедов атындағы қоғамдық денсаулық сақтау мектебінің деканы К.Давлетов Болат Бимендіұлымен бірге оқығандығын және студент кездегі қызықтарымен бөлісті. Студенттер Болат Бимендіұлына көкейінде жүрген сұрақтарды қойды. Әсіресе білім алушы жастарды ерекше қызықтырған сәттер Болат Бимендіұлының тұлғалық қасиеттерінен бастап, хирург маман ретіндегі медицинаға деген көзқарасы болды. Сөз соңында университет ректоры Талғат Сейітжанұлы Болат Бимендіұлына алғысын айтып, университет атынан сыйлығын ұсынды. Жиналған қонақтар Болат Бимендіұлымен естелік суретке түсті. Аталған кездесуге жиналған қонақтар жақсы көңіл күйде тарқады.
Х.Досмұхаметов атындағы Қоғамдық денсаулық сақтау мектебі.
Жастар Саясаты Басқармасы
Эпидемиология кафедрасы
