Профессор Ғалия Ғабдуллақызын 70 жылдық мерейтойымен құттықтау

26.08.2019 | просмотров: 5  743

Аса Құрметті Ғалия Ғабдуллаевна!!!

Көптеген жылдар бойы Сіз елімізде бала денсаулығын нығайтуға және бала дәрігерлерін дайындауға зор үлес қосудасыз. Қажырлы еңбегіңіздің арқасында саналы медицина кандидаттарын, ғылым докторларын дайындап, үлкен белестерге жеткіздіңіз. Осы заманға сай білім берген шәкірттеріңіз Қазақстанның түпкір – түкпірінде білімді мамандар болып қызмет атқаруда.

Бүгінгі күнде медицина саласының мақтан тұтар академигі, профессорысыз. Ғылым саласында тартулы жетістіктерге жетіп, көптеген оқулықтардың, әдістемелік нұсқаулардың авторысыз. Денсаулық сақтау саласындағы көрсеткен емдік және кеңестік көмектің арқасында қаншама балалардың өміріне араша болдыңыз. Еңбекте де талай абырой биігінен көрініп, ұрпағыңызға үлгі болар абзал жан ретінде өзіңізді танытып-ақ жүрсіз.

70 жасқа толу мерейтойыңызбен құттықтай отырып, құрметті Ғалия Ғабдуллаевна, Сізге мықты денсаулық, ұзақ ғұмыр, баянды бақыт, отбасыңызға амандық, еңбекте сәттілік тілейміз!

Тілек білдіруші: Балалар жұқпалы аурулары кафедрасының ұжымы