Ресейден келген маман еліміздің дәрігерлеріне маймақтықты емдеу кезінде не нәрсеге назар аудару керектігін көрсетті
Н.Пирогов атындағы РММУ-дың балалар хирургиясы кафедрасының доценті Крестьяшин Илья Владимирович Қазақстанның әр өңірлерінен келген 25 дәрігерге «Балалар жасындағы амбулаториялық ортопедия» тақырыбында семинар-тренинг жүргізді.
Аталмыш маман Ресей балалар хирургтары ассоциациясының (RAPS), Ортопед-протезшілердің дүниежүзілік қауымдастығының (ISPO), PonsetiInternational, Балалар ортопедтерінің Еуропалық қауымдастығының (ЕРОЅ) мүшесі болып табылады. Семинар «Ақсай» Университеттік клиника әкімшілігімен бірлесе балалар хирургиясы кафедрасының ұйымдастыруымен өтті. Семинарға балалар жасындағы ортопедиялық патология мәселелеріне алғашқы тап болып, кейін біліктілігіне байланысты одан әрі балаларға уақытылы емдеуді жүргізетін дәрігерлер қатысты. Дәрігерлер еліміздің әр өңірінен (Қызылорда, Тараз, Шымкент) жиналды, дегенмен көпшілігі Алматы өңірінен болды. Осы күндері әр түрлі ортопедиялық патологиясы бар 25 науқасқа кеңес берілді, басым көпшілігі туа біткен маймақтық бойынша болғаны анықталды.
Әңгіме барысында қазақстандық мамандардың Понсети әдістемесінің отасыз маймақтықты емдеуді көздейтін, оның реттілігі және алынған нәтижелерді түсіндірудегі тұжырымдамасы бойынша біраз түсініспеушіліктер анықталды. Аса мән гипсті лангета сапасына, оның факутурасы мен «қату» дәрежесіне, сондай-ақ табанның тиісті орналасуын қадағалауға беріледі. Барлық сұрақтар семинар-тренинг барысында толықтай талқыланды. Семинар-тренингте ата-аналар өзекті сұрақтарына жауап алып, дәрігерлердің ұсыныстарын қабылдады. Кездесу нәтижесі ата-аналардың да, дәрігерлердің де көңілінен шыға білді.
«Осы жылға «Ақсай» университеттік клиникасының әкімшілігі мен балалар хирургиясы кафедрасы іс-шаралар топтамасын тамамдап, келер 2018 жылы бірнеше маңызды кездесулер ұйымдастыратын болады. Алғашқысы 2018 жылдың ақпан айында әлемге әйгілі балалар хирургі, балалар хирургиясы бойынша бірегей әдістемелердің авторы, доктор Дариуш Патковскиймен кездесу болмақ», — деп «Ақсай» клиникасының әкімшілігі мәлім етті.
ҚазҰМУ-дың Баспасөз қызметі
