Сағындырған кездесу
2023 жылдың 6-қазан күні С.Р. Қарынбаев атындағы қалыпты анатомия кафедрасында «Қарттар күніне» орай кафедраның зейнетке шыққан қызметкерлерімен кездесу өтті. Кафедрамызда 36 жыл жұмыс істеген Стамкулова Майра Есімкеқызы және 82 жасқа келген, осы жерде 17 жыл жұмыс істеген Некреева Таисия Леонидқызы қонаққа келіп, кафедра мұражайларын аралап, соңғы жылдардағы жақсы өзгерістердің көп екенін, соның ішінде, мұражайлардағы жөндеу жұмыстарының жақсы жүргізілгенін атап айтып, университет басшылығына ризашылықтарын білдірді. Ардагерлер кафедраның жас оқытушыларымен әңгімелесіп, қиындығы мен қызығы қатар жүретін ұстаздық мамандық туралы өмірлерінен сыр шертті. Экскурсия соңында кафедра оқытушыларымен бірге отырып, кафедраның өткен тарихын еске алып, кафедрадағы студенттермен кездесіп, жас оқытушылар мен студенттерге баталарын берді.
Қарттар-біздің асыл қазынамыз, қарттарымыз арамызда аман – сау жүре берсін!
