Сенбілік эстафета
Алматы қаласы Жастар саясаты мәселелері жөніндегі басқарма және Алматы қ. студенттік ұйымдар жастары ұсынған «Сенбілік эстафетасын» С.Ж. Асфендияров атындағы ҚазҰМУ студенттері қабылдады.
2015 жылғы 12 қыркүйекте С.Ж. Асфендияров атындағы ҚазҰМУ белсенді студенттеріқалалық сенбілікке шықты. Сенбілікке Алматы қаласы Жастар саясаты мәселелері жөніндегі басқармасы жетекшілігімен Алматы қ. өзге де ЖОО қатысты.
Сенбілік Алматы қ. Шевченко мен Жароков көшелерінің қиылысында орналасқан демалыс саябағында ұйымдастырылды.
Студенттердің өзін-өзі басқаруын дамыту бөлімінің жетекшілігімен университетімізден 150-ден астам студент белсенділік танытып, тазалық жұмыстарын жүргізді. Сенбілік жоғары деңгейде өтіп, студенттер «Сенбілік эстафетасын» басқа университеттерге видео-жолдамаларын жіберді.
Сенбілікке белсене қатысқан студенттерімізге Алматы қаласы Жастар саясаты мәселелері жөніндегі басқарма қызметкерлері өз алғыстарын білдірді.
Студенттердің өзін-өзі басқаруын дамыту бөлімі
