Сусамырға шалдыққандар сабылмайды

Елбасының 5 институттық реформасын жүзеге асыру жөніндегі «Ұлт жоспары – «100 нақты қадамның» 81-қадамында көрсетілген «жекеменшік медицинаны дамыту, медициналық мекемелерге корпоративтік басқаруды енгізуді» іске асыру мақсатында жүзеге асырылған қадам тұрғындардың көңілінен шықты. Сонымен бірге бұған биыл елімізде орындала бастаған «Денсаулық» мемлекеттік бағдарламасының да өзіндік септігі тигені анық. Сусамырға шалдыққан науқастар орталық арқылы тегін емделіп, тегін дәрі-дәрмекпен қамтамасыз етілетін болады.

Жаңа емдеу орнының ашы­луына арналған салтанатқа арнайы келген Алматы облысы әкімінің орынбасары Бахтияр Өнербаев:
– Елбасымыз қазіргі жаһандық экономикалық дағдарысқа қара­мас­тан еліміздің дамуын тоқтатпай, мемлекетіміздің 2050 жылға дейінгі стратегиясында көзделген меже­лер­ге жету жолында барлық қажетті жағдайды жасауда. Мемлекетіміздің басты байлығы – халқымыздың ден­саулығына көңіл бөлінуде. Ор­та­лықтың ашылуы – мемлекеттік-жекеменшіктік әріптестікті ны­ғай­ту туралы тапсырманы орын­дау­дың жарқын көрінісі және С.Асфен­дияров атындағы Қазақ ұлттық медициналық университеті мен Алматы облысының әкімдігі ара­сындағы ынтымақтастық жөніндегі меморандумның жемісі.
С.Асфендияров атындағы Қа­зақ ұлттық медициналық уни­верситетінің ректоры Айқан Ақа­нов өз сөзінде, бүгінде қант диабеті ауруының кең етек жайып, ғасыр індетіне айналып бара жатқан­ды­ғын, аурудың асқынуынан еліміз бойынша жыл сайын аяқты ампута­циялау бойынша 5 мың ота жаса­латынын айтты. Сондай-ақ өз сө­зін­де мемлекет тарапынан бұл ба­ғыт­та үлкен жұмыстар жасалып жатқандығын, отандық маман­да­рымыздың медицина саласы дамыған мемлекеттерге барып, сол елдердің соңғы ғылыми жетіс­тікте­рімен танысып, біліктіліктерін арт­тырып, сол жаңалықтарды қол­даны­сқа енгізіп жатқандығын да тілге тиек етті.
Жаңадан ашылған орталықта өзіміздің мамандарымыз дайында­лады. Олар науқастарды емдеп қана қоймай, аурудың алдын алу жолдарын түсіндіретін болады. Қант диабетімен ауыратын әйел-аналар тиісті ем қабылдағаннан кей­ін, дүниеге дені сау нәресте алып келу мүмкіндігін иеленеді. «НурАвиценум» медициналық орталығының мамандары Қаз­ҰМУ-дың жанындағы эндокрино­ло­гиялық орталықта біліктіліктерін арттырады, ал эндокринологиялық орталық мамандары Талдықорғанға келіп, жарты жыл бойы жергілікті мамандармен тәжірибе алмасатын болады.
Өңір басшысының орынбасары Б.Өнербаев бастаған құрметті қо­нақтар мен ресми тұлғалар меди­ци­налық орталықтың құрылы­мы­мен танысып, науқастардың қал-жағ­дайын сұрап шықты.
Шара соңы қант диабетін емдеу жолдары, оның алдын алу, сапалы ем қондыратын дәрі-дәрмек түр­лерінің таныстырылуына арналған шағын конференциямен жалғасты. Ең бастысы, сусамырға шалдыққан облыс тұрғындары енді басқа қалаларға сабылмайтын болды.
Болат АБАҒАН,
Алматы облысы