Сұлулықтың жаңа есімі анықталды – «Miss KazNMU – 2017»
2017 жылдың 28 сәуір күні Университет қабырғасында жылдағы қалыптасқан дәстүр бойынша «KazNMU Students» студенттік ұйымының ұйымдастыруымен «Miss KazNMU – 2017» байқауы өткізілді. Байқауда Университеттің 9 аруы сұлулық, интеллект және өнер сайысында бақ сынады. Байқауға барлық факультеттердің студент қыздары қатысты. «Miss KazNMU – 2017» титулы кімге бұйырады?-деген сауал барлық көрермендерді байқау соңына дейін мазалады.
«Miss KazNMU – 2017» титулының және тәждің иегері «Фармация және фармацевтикалық өндіріс технологиясы» факультетінің 2 курс студенті Хамзина Наргиз атанды.
Келесі орын иегерлері: І Вице-Мисс «Стоматология» факультетінің 2 курс студенті Мухаева Шолпан, ІІ Вице-Мисс «Жалпы Медицина» факультетінің 2 курс студенті Енсепова Дана.
Байқауға қатысқан арулар демеушілер мен ұйымдастырушылар тарапынан дипломдар және естелік сыйлықтармен марапатталды
«Жалпы медицина» факультетінің 1 курс студенті, Тельман Тогжан – Көрермендер көзайымы
«Жалпы медицина» факультетінің 2 курс студенті, Советханова Перизат – «Мисс Талант»
«Жалпы медицина» факультетінің 2 курс студенті, Жанарова Аружан, – «Мисс Стиль»
«Стоматология» факультетінің 1 курс студенті, Ергешова Перизат – «Мисс Грация»
«Х.Досмухамедова атындағы қоғамдық денсаулық сақтау, медициналық- профилактикалық, мейірбике ісі және менеджмент» факультетінің 1 курс студенті, Байманова Карина- «Мисс Интеллект»
«Халықаралық медицина» факультетінің 2 курс студенті, Anuradha Singh –«Мисс Обаяние» атанды.
Барлық ару қыздарымыз байқау барысында барынша өз өнерлерін ортаға салып көрермендерді таңдандыра алды.
