С.Ж. Асфендияров атындағы Қазақ Ұлттық медицина университеті мен Қытай делегациясының кездесуі
2025 жылдың 14 қазанында С.Ж. Асфендияров атындағы Қазақ Ұлттық медицина университетінде (ҚазҰМУ) университет басшылығы Қытай делегациясымен кездесті. Кездесу екі ел арасындағы ынтымақтастықты дамыту және бірлескен жобаларды жүзеге асыру мәселелеріне арналды.
Кездесуге Қытай тарапынан Greater Bay Big Data Research Institute, Kelamayi Carbon Neutral Network Technology Co., Ltd., Beijing Yiwei Intelligent Technology Co., Ltd. және Shanghai Wutongshu High-tech Co., Ltd. (AI + Education) өкілдері қатысты. Қазақстан тарапынан кездесуге ҚазҰМУ ректоры Марат Шоранов бастаған университет басшылығы және Қазақ-Британ техникалық университетінің (ҚБТУ) өкілдері қатысты.
Қытай делегациясын Greater Bay Big Data Research Institute институтының декан орынбасары Хоу Цзинган басқарды. Сонымен қатар кездесуге Цзинь Цянь (Kelamayi Carbon Neutral Network Technology Co., Ltd. президенті), Чжоу Юань, Ю Фэй, Кубулан Тиле, Чжан Ифэй, Ю Чжэнпин және Вэй Ся қатысты.
Кездесу барысында тараптар медициналық білім мен ғылыми зерттеулер саласына озық технологияларды енгізу, соның ішінде оқу процесінде цифрландыру мен жасанды интеллектті қолдану, сондай-ақ көміртегі бейтараптығы мен тұрақты даму бағытындағы бастамаларды талқылады. Ерекше назар студенттер мен жас ғалымдарды тарту арқылы бірлескен ғылыми-зерттеу және білім беру жобаларын құру мүмкіндіктеріне аударылды.
ҚазҰМУ ректоры Марат Шоранов бұл кездесудің медицина, технология және тұрақты даму салаларындағы халықаралық ынтымақтастықтың жаңа көкжиектерін ашатынын атап өтті. Қытай тарапы өз кезегінде ҚазҰМУ-мен серіктестік қатынастарды одан әрі нығайтып, нақты бірлескен жобаларды жүзеге асыруға дайын екенін білдірді.
