Танымал хирург Тұрар Көкеев дүниеден өтті
31 желтоқсан күні Қазақстан Республикасының еңбек сіңірген жоғары мектеп қызметкері, С.Ж. Асфендияров атындағы ҚазҰМУ-дың хирургия кафедрасының профессоры Тұрар Қойшығараұлы Көкеев дүниеден өтті. Бұл еліміздің медицинасы мен жұртшылығының қабырғасын қайыстырған орны толмас қаза.
С.Ж. Асфендияров атындағы ҚазҰМУ ұжымы көпшілікке үлгі болған кәсіби Дәрігер, ұлағатты Ұстаз, адамдық қасиеттердің келбеті Тұрар Көкеевтің дүние салуына байланысты марқұмның отбасы мен ағайын-туыстарының қайғысына ортақтасып, көңіл айтады.
Адам өмірінің арашашысы болып, бар ғұмырын дәрігерлік қызметке арнаған Тұрар Қойшығараұлының сіңірген мол еңбегі еш ұмытылмайды және өскелең ұрпаққа үлкен өнеге болып қалмақ. Ұлағатты Ұстаздың есімі мәңгі жадымызда.
