Университетте «Балкон» спектаклі көрсетілді
2017 жылы наурыз айының 28 күні Университеттің «Concordia» театрында 27 наурыз – Халықаралық театр күніне орай Ғ. Мүсірепов атындағы Қазақ Мемлекеттік Академиялық балалар мен жасөспірімдер театрының шығармашылық ұжымының ұсынуымен «Балкон» спектаклі көрсетілді. Спектакльдің авторы – Ермек Аманшаев, қоюшы-режиссері – Сағызбай Қарабалин.
Cпектакльді барлық факультеттің 1 курс студенттері тамашалады. Өскелең ұрпақтың бойына мәдени-рухани құндылықтарды дарытуға бағытталған игі бастама театр мен университет арасындағы ынтымақтастық қарым-қатынасты нығайтуға негіз болмақ. Спектакль соңында студенттер өнер иелеріне алғыстарын білдіре келе гүл шоқтарын ұсынды.
