Ғылым мектептен басталады: өсімдік сығындылары негізіндегі бальзам әзірлемесі үздік деп танылды
Ғылыми-технологиялық паркінің Фармация және фармакология орталығының жетекшісі, фармацевтика ғылымдарының кандидаты, қауымдастырылған профессор Ибрагимова Лилия Николаевна Республикалық ғылыми жобалар конкурсының қалалық кезеңінде жеңімпаз атанған оқушыны дайындады.
Ғылыми жетекшінің жетекшілігімен Алматы қаласы №134 лицейінің 11-сынып оқушысы Абдукарим Алана «Биология» секциясы бойынша «Вирустық герпесті емдеу және алдын алуға арналған өсімдік сығындылары қосылған ерінге арналған бальзамды әзірлеу және оның сапасын бағалау» тақырыбындағы зерттеу жобасымен I орын иеленді.
Жоғары нәтиже кәсіби ғылыми жетекшілікке, тақырыптың терең ғылыми талдануына және зерттеудің тәжірибелік бағыттылығына негізделді. Жұмыста фармацевтикалық тәсіл, дәрілік қалыпты әзірлеу элементтері және алынған өнімнің сапасын бағалау әдістері кешенді түрде қолданылды.
Ибрагимова Лилия Николаевнаны және шәкіртін лайықты жеңісімен құттықтай отырып, алдағы уақытта жаңа ғылыми жетістіктер мен табыстар тілейміз.
