Қазақстан Республикасы Тәуелсіздігінің 25 жылдығына арналған, ҚР ЖОО арасындағы VI-шы қысқы студенттік Универсиадасы
2016 жылдың 6 ақпанында «Сұңқар» халықаралық шаңғы трамплиндер кешенінде Қазақстан Республикасы Тәуелсіздігінің 25 жылдығына арналған, ҚР ЖОО арасындағы VI-шы қысқы студенттік Универсиаданың салтанатты ашылу рәсімі өткізілді.
Ашылу салтанатына ҚазҰМУ спортшылары мен жанкүйерлері қатысты. VI-шы қысқы Универсиада жарысына 50 адам құрамындағы ҚазҰМУ-дың спортшылар командасыны 6 спорт түрі бойынша жарысқа қатыстырылады: шаңғы жарысы, қысқы спорттық бағдарлау, қысқы президенттік көпсайыс, тау шаңғысы, сноуборд, коньки тебу спорты.
VI-шы қысқы Универсиада жарысы келесі спорт нысандарында өткізіледі: «Сұңқар» халықаралық шаңғы трамплиндер кешені, «Алатау» спорт кешені, «әл-Фараби» атындағы ҚазҰУ спорт кешені, «Медеу» мұз айдыны, «Шымбұлақ» тау шаңғы шипажайы, «Балуан Шолақ» атындағы спорт сарайы.
Екі күн ішінде өткен жарыста фармацевтикалық өндіріс технологиясы мамандығының магистранты Қалиев Ердан классикалық спринт бойынша шаңғыда жүгіру 1500 м қашықтықта 151 қатысушы ішінен 20 орын иеленді, 8 ақпан 2016 жылы 5000 м қашықтықта 12 мин. 27 сек. көрсеткішімен 151 қатысушы ішінен 31 орынды иеленді. Құттықтаймыз! Жарыста жеңіс тілейміз!
