ҚазҰМУ белсенділері Ардагерлер үйінде «Үлкенге құрмет, кішіге ізет» мерекелік іс-шарасын өткізді
Жаңа жыл 2017 жылды мерекелеу қарсаңында, Университеттің Студенттік Үкіметінің «Жалпы медицина факультеті Студенттік Үкіметінің» ұйымдастыруымен, Алматы қаласының Ардагерлер үйінде «Үлкенге құрмет, кішіге ізет» мерекелік іс-шарасы өткізілді. Іс-шара барысында жалпы медицина факультетінің белсенді студенттері ата-апаларымызға арнап өнерлерін көрсетіп, оларға жастық шақтарын еске түсіріп мерекелік көңіл күй сыйлады.
Аға буын өкілдері, Алматы қаласы Ардагерлер үйінің әкімшілігі студенттерге осындай тәрбиелік мәні зор іс-шараны ұйымдастырғаны үшін алғыс білдіріп, оқуларына сәттілік, жұмыстарына табыс тіледі.
