ҚазҰМУ волонтерлері волонтерлік жобаларды жүзеге асыру гранттарын жеңіп алды

С.Ж.Асфендияров атындағы ҚазҰМУ волонтер-медиктері Алматы қаласында волонтерлік жобаларды жүзеге асыру үшін 300 000 теңгелік 3 грант жеңіп алды. Азаматтық бастамаларды қолдау орталығы мен ҚР ақпарат және қоғамдық даму министрілігінің қолдауымен Нұр-Сұлтан қаласында Ұлттық мұражайда «Birgemiz» жалпыұлттық жобасының сертификаттарымен марапаттау рәсімі өтті. Ендігі кезекте университет волонтер-медиктері денсаулық сақтау саласындағы еріктілерді дайындайтын мектепті өткізіп, оңтүстік астананың медициналық ұйымдарына көмек көрсетеді (хоспис, ауруханалар, емханалар, ҚазҰМУ-дың ғылыми зерттеу институттары). Сонымен қатар, дүниежүзілік көру қабілеті күні, қол жуу күні, инсультпен күрес аптасына арналған және т.б. іс-шараларды жүзеге асырады.