ҚазҰМУ-да дәстүрлі «KazNMU CUP II» Республикалық пікір-сайыс турнирі өткізілді

2017 жылдың 25-26-шы ақпан  күндері С.Ж.Асфендияров  атындағы ҚазҰМУ-да еліміздің ЖОО-ның студенттері қатысқан Республикалық дебат турнирі өткізілді.  Университетіміздің  «Alma Mater LDC»  лидерлік дебат клубының қатысушылары ойынға турнирді  ұйымдастырушы ретінде қатысты.  Сенбі 25 –ші ақпан күні таңертеңгі сағат 8.00-ден бастап қатысушылар тіркеуден өтіп, университетіміздің  «Даңқ Залында»  ашылу салтанатынан бастады. Пікірсайыс жарысы   ары қарай турнир  жарысымен жалғасты.  Турнирге жалпы алғанда  Қазақстанның 6 аймағынан, атап айтқанда  Алматы, Тараз, Түркістан, Шымкент, Семей, Қарағандыдан 150-ден аса студенттер қатысып, 64 команда болып ойнады. Турнирде медицина тақырыбында толғандырып жүрген сұрақтар қаралды.  Атап айтқанда: грант бөліну, медициналық туризмнің  сапасын арттыру механизмі, адам өз мүшесін  еркімен өткізуді заңдастыру, үздік  әлемдік медициналық ашылу жаңалықтары,  медициналық препараттардың клиникалық сыналуы,  дәрігерлердің кәсіби сапасы төмендігі т.б мәселелер  талқыға салынды.  Республикалық  «KazNMU CUP II» дәстүрлі пікір-сайыс турнирінің жеңімпаздары:

1. Супер финал жеңімпаздары – «Құтты болсын» фракциясы – Төлеген және Байболат, Т.Рысқұлов атындағы Экономикалық университеті «Таңдаулы Экономистер Одағы» жоғары пікірсайыс мектебі.

Альфа лигасы бойынша:

1. I-орын «Namys KZ» фракциясы – Айжан және Мөлдір, Қарағанды Мемлекеттік медицина университеті «Намыс» дебат клубы.
2. II-орын «S&S» фракциясы – Еркежан және Дастан, Семей Мемлекеттік Медициналық университеті «Салауат» ДК, Тұран университеті «Сириус» ДК
3. III-орын «Аспани Руханият Әл-Түркістани» фракциясы – Шыңғар және Жансая, Абай атындағы ҚазҰПУ «Атамекен» ИПК, ХҚТУ «ХҚТУ самұрықтары» ДК.

Бетта лига  бойынша:

1. I-орын «Тараз 2000» фракциясы – Ақнұр және Салауат, Абылай хан атындағы Қазақ халықаралық қатынастар және әлем тілдері университеті.
2. II-орын «Адамзат үшін» фракциясы – Алтынай және Гүлназ, Әл-Фараби атындағы ҚазҰУ «Алтын сапа» ДК.
3. III-орын «Елдос /Аида» фракциясы – Елдос және Аида, Т.Рысқұлов атындағы Экономикалық университеті «Таңдаулы Экономистер Одағы» жоғары пікірсайыс мектебі, ҚазМемҚызПУ «Парасатты НЛО» ДК.

Үздік спикер:  Еркежан, Семей Мемлекеттік Медициналық университеті «Салауат» ДК.

Ең үздік спикер: Төлеген, Т.Рысқұлов атындағы Экономикалық университеті «Таңдаулы Экономисттер Одағы» жоғары пікірсайыс мектебі.

Үздік делегация: Жамбыл медициналық колледжі.

Көрермен көзайымы: «Nomads» фракциясы – Жалғасбек және Жарылқасын, Т.Рысқұлов атындағы Экономикалық университеті «Таңдаулы Экономистер Одағы» жоғары пікірсайыс мектебі.

 Дәстүрлі  «KazNMU CUP II»  Республикалық пікір-сайыс турнирі өте жақсы дәрежеде өткізілді.  Студенттер дебаттан бос кешкі уақыттарында «Медеу» мұз айдынына барып, демалып та үлгерді. Университет тарапынан ұйымдастыру  жұмысына барынша қолдау көрсетіліп, материалдық жағынан көмектер көрсетілді.  Сонымен қатар, дебат турнирінің өткізілуіне спонсорлық көмек көрсеткендер қатарында  Ұлттық салауатты тағамтану орталығы, Нутрициология кафедрасы және «ТУРМЕДА» компаниясы. Дебат турнирінің қонақтары  «Alma Mater LDC»  лидерлік  дебат клубының белсенді жастарына өз ризашылықтарын білдіре келе, келесі жылғы турнирде тағы да бас қосатындықтарын асыға күтетіндігін айтып, достастық күйде қуана тарқасты.